مولود چاووش اوغلونون اورتا آسیا سفری
"اوراسیا گوندمی"’ پروقرامینین بو گونکو بولومونده تورکیه-نین خاریجی ایشلر ناظیری مولود چاووش اوغلونون اورتا آسیا اؤلکه لرینه ائتدیگی سفری قیمتلندیرجییک.
"اوراسیا گوندمی"’ پروقرامینین بو گونکو بولومونده تورکیه-نین خاریجی ایشلر ناظیری مولود چاووش اوغلونون اورتا آسیا اؤلکه لرینه ائتدیگی سفری قیمتلندیرجییک.
2021-جی ایلین 5-10 مارس تاریخلرینده تورکیه-نین خاریجی ایشلر ناظیری مولود چاووش اوغلو تورکمنیستان، اؤزبکیستان و قیرغیزیستانا سفر ائدیب. مولود چاووش اوغلو سفرلر زامانی بو اؤلکه لرین دؤولت باشچیلاری طرفیندن قبول ائدیلیب، خاریجی ایشلر ناظیرلری و باش ناظیرین معاوینلری ایله ایکی طرفلی علاقه لری ماراقلاندیران مسئله لری موذاکیره ائدیب. خاریجی ایشلر ناظیرلری آراسیندا امکداشلیغا دایر پروتوکوللار ایمضالانیب.
مولود چاووش اوغلو ایلک اولاراق تورکمنیستانا سفر ائدیب. مولود چاووش اوغلو پایتاخت عاشق آباد-دا تورکمنیستان پرزیدنتی قوربان قولو بردی محمدوو ایله گؤروشه ره ک تورک هاوا یوللارینین تورکمنیستانا ائتدیگی اوچوشلارین برپا ائدیلمهسی وتورکیه-نین یوک ماشینلارینین اؤلکهدن کئچمسی مسئلهسی ایله باغلی ایجازه آلیب. یئری گلمیشکن قئید ائدک کی، تورکمنیستان پاندمی دؤورونده هئچ بیر هاوا یولو شیرکتین اؤلکهیه داخیل اولماسینا ایجازه وئرمیردی.
تورکمنیستان-دا انرژی مسئلهسی ده موذاکیره ائدیلیب. خزرین انرژیسینین اورتاق شکیلده ایستیفاده ائدیلمهسی مسئله سینده آذربایجان و تورکمنیستان آراسیندا باغلانان موقاویلدن سونرا تورکمنیستان انرژیسینین تورکیه اوزریندن باتییا صادراتی مومکون اولوب. خزرین انرژیسینین تورکمنیستان، آذربایجان و تورکیه طرفیندن تورکیه و باتییا صادر ائدیلمهسی مسئلهسینین بو ایل کئچیریلجک ایکی طرفلی و اوچ طرفلی ذیروه گؤروشلرینین گوندمینی ضبط ائدجگینی دئیه بیلریک.
تورکیه-ین خاریجی ایشلر مولود چاووش اوغلو داها سونرا اؤزبکیستانا سفر ائدیب. مولود چاووش اوغلو اؤزبکیستانین خیوه، بخارا، سمرقند و داشکند شهرلرینده اولوب. تورکیه-نین خاریجی ایشلر ناظیری مارسین 7-ده اؤزبکیستان باش ناظیرینین معاوینی و خاریجی ایشلر ناظیری ایله تورکیه-نین سمرقند-دهکی باش کونسوللوغونون آچیلیش مراسیمینده ایشتیراک ائدیب.تورکیه پرزیدنتی رجب طیب اردوغانین بو ایل اؤزبکیستانا سفر ائتمهسی گؤزلهنیلیر.
اؤزبکیستان-داکی گؤروشلرینی تاماملایان مولود چاووش اوغلو قیرغیزیستانین پایتاختی بیشکک-ا کئچیب. مولود چاووش اوغلو بورادا بو اؤلکهنین پرزیدنتی و باش ناظیری ایله گؤروشوب. مولود چاووش اوغلو قیرغیزیستان ناظیرلر ایله بیرگه قیرغیزیستان-تورکیه ماناس بیلیم یوردو یانیندا یارادیلان پاندمی ایله موباریزه لابراتوارین آچیلیش مراسیمینده ایشتیراک ائدیب. خاریجی ایشلر ناظیری بونلاری قورولاجاق طب فاکولتهسینین ایلک آددیملاری اولاراق آدلاندیریب. تورکیه معاریف وقفینه تابع اولان مکتبین ده بو ایل بیشکک-ده فعالیته کئچمسی گؤزلهنیلیر. معاریف وقفینین مکتبلری قیرغیزیستانین تحصیل سیستمینه جدی تحفه لر وئرجک.
خاریجی ایشلر ناظیری مولود چاووش اوغلونون سفر ائتدیگی اؤلکه لر تورکیه-نین ساوونما صنایعسی محصوللارینا بؤیوک اهمیت وئریر. ایکینجی قاراباغ شاواشیندا تورک محصول لارینین حل ائدیجی رول اویناماسی اورتا آسیا جمهوریتلرینین بو محصول لارا اولان ماراغینی داها دا آرتیریب. بو ایل اورتا آسیا جمهوریتلری تورکیه-نین ساوونما صنایعسی محصول لارینی اؤز اینوانترلرینه داخیل ائده بیلر. یئری گلمیشکن قئید ائدک کی، قازاخیستان کئچن هفته لرده تورکیه-نین زیرهلی ماشینلارینی سیناقدان کئچیریب. آسئلسان قازاخیستاندان سونرا اؤزبکیستان-دا دا فابریکا آچا بیلر. 2021-جی ایلده تورکیه-ده کئچیریلجک تورک شوراسی ایجلاسینین تورک جمهوریتلری باخیمیندان یئنی بیر دؤورون باشلانغیجی اولاجاق.