امریکا گئری می قایی‌دیر؟
ستا-دا وظیفه‌لی دوچنت دوکتور مورات یشیلتاشین "امریکا گئری می قایی‌دیر؟" آدلی آنالیتیک یازی‌سینی تقدیم ائدیریک.
ستا-دا وظیفه‌لی دوچنت دوکتور مورات یشیلتاشین "امریکا گئری می قایی‌دیر؟" آدلی آنالیتیک یازی‌سینی تقدیم ائدیریک.
20 ژانویه تاریخیندن اعتباراً جو بایدن امریکانین 46-جی پرزیدنتی اولا‌راق وظیفه‌سی‌نین ایجراسینا باشلادی. بایدن سون 70 ایلده ان چوخ سس توپلایا‌راق پرزیدنت سئچیلن دموکرات نامیزد اولا‌راق تاریخه دوشدو.
نوامبر-آیین‌دان ژانویه آیینا قدر کئچن مودت گومان ائدیلدیگی کیمی خاوتیک اولدو. ترامپین باریش یولو ایله پرزیدنت کورسوسونو تحویل وئرمه‌یه‌جگی ایله باغلی بیر گؤزلنتی وار ایدی، لاکین هئچ کیم حادثه‌لرین گلیب چاتدیغی نقطه‌نی تخمین ائده بیلمزدی. 6 ژانویه‌ده امریکا تاریخینده بیر ایلک اولدو و ترامپ طرفدارلاری کنگره بیناسینا باسقین ائتدی‌لر. قانلی باسقیندا 5 نفر اؤلدو، امریکانین دونیا میقیاسیندا پیس‌لشن ایمیجی یئرله-یکسان اولدو. قانلی باسقیندان سونرا ترامپا ایستیقامت‌لی ایکینجی دفعه استیضاح سوره جی اوچون سس وئریلدی. امریکانین پایتاختی واشنگتن-ون عراق-ین پایتاختی باغداددا هر زامان گؤردوگوموز منظره‌لره شاهید اولدو. 25 میندن چوخ امریکالی عسگر پایتاخت کوچه‌لرینده باریکارد قوردو و کنگره بیناسی‌نین ایچری‌سینده یئرلشدی. بوتون بون‌لار باش وئررکن امریکا-دا کورونا اپیدمیسی سببیندن اؤلن‌لرین سایی گونده 4000-ی کئچدی. بایدن‌ین بیر خارابا گؤتوردوگونو دسک سهو اولماز. محض بایدن نئجه بیر امریکا قورماق ایستییر؟
بایدن و تیمی‌نین بو سوالا جاوابی چوخ آچیق گؤرونور. بایدن "امریکانین گئری قاییتدیغینی" سؤیله‌دی. بو آچیقلاما چوخ‌لاری طرفیندن بایدن‌ین عمومیتله ایچ و دیش سیاست آنلاییشینی گؤسترن بیر چرچیوه کیمی باشا دوشولدو. بس امریکانین قاییدیشی نه دئمک‌دیر؟ بایدن‌ین خاریجی سیاست چرچیوه‌سینی عکس ائتدیرن بو یاناشمانین ایلک سوتونو امریکا رهبرلیگی‌نین یئنی‌دن قورولماسی‌دیر. خاریجی ایشلر ناظیری بلینکن امریکانین قلوبال سیستمه رهبرلیک ائتمه‌دیگی تقدیرده، بوشلوغون دیکتاتور قوه‌لر طرفیندن دولدوردوغونو و بونون اولوسلار آراسی سیستم‌دکی غیری-ثابت‌لیگه سبب اولدوغونو ادعا ائدیر. بایدن خاریجی سیاستده اولجه امریکا لیدرلیگینی برپا ائتمه‌یه جهد گؤسترمک مجبوریتینده اولدوغونو بیلیر. بو رهبرلیگین ایکی واجیب آلت بیله‌شه‌نی وار. بیری امریکانین زده لنمیش ایمیجینی، دیگری ایسه چین و روسیایا قارشی گوجلو لیدرلیک موضعینی برپا ائتمک‌دیر.
بایدن‌ین ایکینجی اونجه لیگی اولوسلار آراسی قوروم‌لارین اهمیتینی یئنی‌دن آرتیرماق‌دیر. ترامپ دؤورونده امریکا بمت، ناتو و دونیا ساغلیق تشکیلاتی کیمی حاکم اولوسلار آراسی قوروم‌لارلا جدی پروبلئم‌لر یاشادی. بایدن‌ین خاریجی سیاستی ایلک نؤوبه‌ده اولوسلار آراسی قوروم‌لارین یئنی‌دن گوجلندیره‌رک امریکا رهبرلیگی‌نین بو قوروم‌لار واسیطه‌سیله برپاسی اوزرینده قورولوب. بو چرچیوه‌ده چوخ طرفلیلیگین امریکانین خاریجی سیاستینده اهمیت‌لی بیر یئر توتاجاغینی سؤیله‌یه بیلریک.
بایدن‌ین اوچونجو اونجه لیگی قلوبال اقتصادیاتدا امریکا لیدرلیگینی برپا ائده‌جک یئنی بیر دوزنله‌مه ائتمک‌دیر. بو نقطه‌ده ترامپ دؤورونده امریکا-چین تیجارت محاربه‌لری خاطیرلانیر. بایدن‌ین چینی اؤزونه رقیب کیمی گؤرمه‌سی تامامیله آیدین‌دیر، آنجاق چینی ترامپ یاخود دا ده جمهوریتچیلر کیمی ده گؤرمور. میللی تهلوکه‌سیزلیک عذره مصلحتچیسی سولیوان‌‌ین "چین ایله بیرلیکده یاشاماق" فورمولونون خاریجی سیاستین اساس خطی اولدوغونو سؤیلمه‌سی بایدن‌ین چینه قارشی موباریزه آپارماق اوزینه چین ایله گذشته گئتمک یولو ایله اونو دییش‌دیرمک سیاستینی داوام ائتدیره بیله جگینی گؤستریر. آنجاق بایدن‌ین اقتصادی پروبلئمی یالنیز چین ایله دئییل. کورونا اپیدمی سیندن قایناق‌لانان اقتصادی وضعیتین بایدن‌ین اقتصادی سیاستینی کیفایت قدر مشغول ائدجگینی گؤستریر.
بایدن‌ین دؤردونجو اونجه لیگی اولوسلار آراسی حقوق و قایدا‌لارا اساس‌لانان لیبرال دوزنی برپا ائتمک‌دیر. بو باغلامدا دئیه بیلریک کی، اولوسلار آراسی نورما‌لاری برپا ائتمکله امریکانین رهبرلیگیندکی ایمیج ایتکی‌سینی آرا‌دان قالدیرماغا جهد ائده‌جک بیر سیاست معین ائدیله بیله جگینی سؤیله‌یه بیلریک. بو مقصد امریکا-دان قلوبال سیستمی یاشا‌دان قلوبال قایدا‌لارلا باغلی یئنی دوزنله‌مه‌لر ائتمه‌سینی طلب ائدیر. بونون اوچون امریکانین داها چوخ منطقه احتیاجی وار.
بو دؤرد سوتونون امریکانی اولوسلار آراسی سیستمه قایتارا بیله جگی سوا‌لی سون درجه واجیب‌دیر. بایدن‌ین ترامپ‌دان تحویل آلدیغی جدی پروبلئم‌لر و دونیا سیاستی‌نین دییشن کاراکتری بونون رئاللاشماسی‌نین چوخ چتین اولدوغونو گؤستریر.
ایلگیلی‌لی خبرلر
تۆرک جمهوریتلرینین گوندمیندهکی گلیشمه‌لر
حاضردا دونیانین ۱۵ اؤلکه‌سینده ۲۹ آذربایجان ائوی خیدمت ائتمکده‌دیر
