روسیانین لیبی سیاستی
سیاسی، اقتصادی و اجتماعی آراشدیرما وقفینین (ستا) آراشدیرماچی یازاری جان آجونون آنالیتیک یازیسینی تقدیم ائدیریک.
سیاسی، اقتصادی و اجتماعی آراشدیرما وقفینین (ستا) آراشدیرماچی یازاری جان آجونون آنالیتیک یازیسینی تقدیم ائدیریک.
لیبی، قوزیی افریقا، دوغو آغ دنیزی و گونئی آوروپا باغلامیندا ژئوسیاسی موضعی باخیمیندان اهمیتلی بیر اؤلکه اولماسینا باخمایاراق انرژی قایناقلاری باخیمیندان دا چوخ زنگین بیر اؤلکهدیر. بو چرچیوهده اؤلکهده داوام ائدن گوج موباریزهسینده بولگهسل و قلوبال گوجلر تأثیرلی اولماق و لیبی-نین گلهجگینی فورمالاشدیریلماسینداسؤز صاحیبی اولماق ایستیرلر. بو اؤلکهلرین باشیندا ایسه روسیا یئر آلیر. لیبی 2011-جی ایلده قذافینین دئوریلمهسیندن اول سوسیالیست بیر اؤلکه اولماسینا باخمایاراق، مسکوا-دان موستقیل بیر یول ایزلییردی. بونا باخمایاراق، لیبی ایله روسیا آراسینداکی موناسیبتلر چوخ درین حربی و اقتصادی امکداشلیغی احاته ائدیردی. لاکین شوروی-نین داغیلماسیندان سونرا بو امکداشلیغی مسکوا-نین لیبی-یه تطبیق اولونان اولوسلار آراسی تحریم لره سیاسی دستکی ایله سونا چاتدی. آنجاق پوتینین حاکمیته گلمهسیله گوجلنمهیه باشلایان روسیا یئنیدن دونیا سیاسی صحنهسینه قاییتدی و لیبی ایله علاقهلرینی برپا ائتدی. مهم سلاح و انرژی موقاویلهلری باغلایاراق لیبی-یه ده تأثیرلی اولماغا باشلادی. عرب باهارینین تأثیری ایله اؤلکهده باشلایان اینقیلاب و خاریجی موداخیلهیه قدر بو سوره ج داوام ائتدی. ناتو لیدرلیگیندهکی موداخیله قذافینی دئویررکن، روسیا لیبی-ده اویوندان کناردا قالدی. روسیا لیبی-ده داوام ائدن وطنداش محاربهسینه اوزون مودت تاماشاچی اولاراق قالسا دا، نهایت 2017-جی ایلده اؤلکهده حؤکم سورن حاکمیت بوشلوغوندان ایستیفاده ائدهرک یئنیدن فعال اولماغا باشلادی. عصیانچی ژنرال خفتره یاخینلاشارکن، خصوصیله اؤلکهنین دوغوسوندا واگنر کیمی مزدلو حربی قوهلرینی لیبی-یه آپاراراق نفوذ قازاندی و بیرلشمیش عرب امیرلیکلری کیمی اؤلکهلرله علاقه ساخلاماغی اوستون توتدو. حاضیردا روسیانین لیبی سیاستی رسمی اولاراق میللی دایانیشما حکومتی و لیبی میللی اوردوسونو دانیشیقلار ماساسینا گتیرمهیی هدفلییر. "طرفسیز حاکم" رولونو اؤز اوزرینه گؤتورمهیه جهد ائدن مسکوا اؤزونو بحرانین سیاسی حلینین وکیلی کیمی تمثیل ائدیر. لاکین ساحهدکی وضعیت بونون عکسینی گؤستریر. مسکوا-نین خفترین اوردوسونا یالنیز سیاسی دئییل، هم ده حربی دستک وئردیگی معلومدور. روسیا سلاحلاری تز-تز لیبی میللی اوردوسو دؤیوشچولرینین الینده گؤرولور و مزدلولار موناقیشه بؤلگهلرینده ایشتیراک ائدیرلر. لاکین کرملین هم مزدلولارین مؤوجودلوغونو، هم ده سلاح ساتیشینی اینکار ائتمهیه داوام ائدیر. سون ایللرده مسکوا لیبی سیاستینده مزدلولار و علاقه قروپو کیمی "غیری-عنعنوی مئتودلاری" تطبیق ائتمهیه میل گؤستردی. بو باغلامدا روسیانین لیبی-دهکی خاریجی سیاستینین گئدیشاتینی روسیانین اورتا دوغوداکی نمایندهسی رولونو اوزرینه گؤتورن چچنیستان جمهوریتینین پرزیدنتی رمضان کادیروو مهم سویهده فورمالاشدیریر. بوندان علاوه، رمضان کادیروو مصلحتچیلری آدام دلیمخانوو و لئو دنگوو ایله بیرلیکده 2015-جی ایلده قورولان لیبی روسیا علاقه قروپونو تشکیل ائدیر. نتیجهده روسیا لیبی-دهکی گوج بوشلوغوندان ایستیفاده ائدهرک بو ساحهده تأثیرلی اولدو. خفتره حربی دستک وئرمهیه باشلادی. سیف الإسلام باشدا قذافی عائلهسی ایله موناسیبتلرینی اینکیشاف ائتدیردی. بیرلشمیش عرب امیرلیک لری و میصر کیمی اؤلکهلرله علاقه ساخلایاراق واگنری لیبی-ده یئرلشدیردی و خصوصیله دوغودا جدی نفوذ الده ائتدی.
مؤوجود شرایطده روسیا ایلک نؤوبهده موافیق تأثیرینی قوروماق ایستییر. روسیانین لیبی-ده کی هدفلریندن بیری ایسه، "روسنفت"، "تاتنفت" و "گازپروم" کیمی روسیا انرژی شیرکتلرینه یئر آچماق اوچون اویغون بیر سیاسی محیط تامین ائدهرک آغ دنیزی انرژی بازاریندا تأثیرلی بیر رول گؤتورمهیه جهد ائدیر. بوندان علاوه مسکوانین لیبی-نین ایچ حاکمیتدکی موباریزهسینده ایشتیراکی، اؤلکهدکی مؤوجودلوغونو ثابت حالا گتیرهجک موختلیف سیاسی قازانجلار الده ائتمک ایستهیی ایله معین ائدیلیر. بوندان علاوه، مسکوا افریقا قاره سینده، خصوصیله دوغو آغ دنیزی بؤلگهسیندکی مؤوجودلوغونو گئنیشلندیرمگی هدفلییر. بئلهلیکله، "بؤلگهدکی" ان اوزون آغ دنیزی ساحلینه صاحیب اولان انرژی باخیمیندان زنگین لیبی، روسیانین خاریجی سیاست گوندمینده اؤز یئرینی توتموشدور. اقتصادی اهمیتینه باخمایاراق، لیبی موناقیشهسینین حلی مسکوا اوچون ان واجیب پروبلئملردن بیری دئییل. بونا باخمایاراق، روسیا لیبی بحرانیندا ایشتیراک ائدهرک دیگر بولگه سل گوجلره تأثیرینی گؤسترمگی هدفلییر.