تورک مطبخی (28)
ریشته‌لی یاشیل مرجی آشی
تورک مطبخی (28)
ت.ر.ت تورکیه‌نین سسی رادیوسون‌دان، تورک مطبخی پروقرامین‌دان هامینیزا سلام. تورک یئمک مدنیتینه دایر قیسا معلومات‌لار وئریب، تورک مطبخین‌دن یئمک تعریف‌لری وئریریک بو پروقرامدا.
---------
بو گون یئنه تورک مطبخینه عایید خصوصی بیر لذت تقدیم ائتمک اوچون بوروق. پروقرامیمیزین بو بؤلمه‌سینده سیزلرله بیر آش تعریفی پایلاشاجاغیق؛ "ریشته‌لی یاشیل مرجی آشی". آش دئدیگیمیزه باخمایین، او قدر ایناندیریجی و بسله‌ییجی بیر خؤرک کی بو آش، تک باشینا بیر پای اولا‌راق دا یئمک اولابیلر. پروتئین قایناغی یاشیل مرجیمک‌ی ائو دوزالدیلمیش ریشته ایله گؤزل قاریشماسی اولان "ریشته‌لی یاشیل مرجی آشی" هم لذت‌لی، هم ده حاضیرلاماسی اولدوقجا آسان بیر یئمک.
------
ریشته‌لی یاشیل مرجی آشی اوچون اوّل ماتریال‌لاریمیزی سایاق
1 سو ایستکانی یاشیل مرجی
1/2 سو ایستکانی ریشته (یومورتالی ائو ماکارونوسو)
1 یئمک قاشیغی کره یاغی
4 سو ایستکانی سو
1 سو ایستکانی ات سویو و یا تویوق سویو
4-5 ایستکان سو
1/2 عدد سوغان
1/3 شیرین قاشیغی قورو نعناع
1 شیرینی قاشیغی دوز
1/3 شیرینی قاشیغی دوغرانمیش بیبر
1 یئمک قاشیغی بامادور روببو
-------
ریشته‌لی یاشیل مرجی آشی بیشیرمک اوچون اوّلجه یاشیل مرجی‌لری یاخشیجا یویون و سودا 5-6 دقیقه قاینادین. گؤردوگونوز سویو سوزون. سوغانی کوپ کوپ دوغرایین. کره یاغینی اریدین و سوغان‌لاری کره یاغیندا قووورون. بامادور روببونو دا علاوه ائده‌رک سوغان‌لارلا بیرلیکده 2-3 دقیقه داها قووورون. داها سونرا سودا بیشیریلمیش و سوزولموش مرجی‌لری علاوه ائدیب بیر نئچه دقیقه بیرلیکده بیشیرین. تویوق سویونو و سویو یاواش-یاواش گول‌لره علاوه ائدین. دوز و دیگر ادویات‌لاری دا علاوه ائده‌رک سویو قاینادین. سون اولا‌راق ائوده دوزالدیلمیش ریشته قاینایان مرجیمکلی قاریشیغا علاوه ائدین. اگر چاتدا تاپماسانیز پاکت‌لی ماکارون دا ایستیفاده ائتسه‌نیز. آنجاق خیردا و تئز بیشن نوعده بیر ماکارون سئچمیینیزی تکلیف ائدیریک. ریشته و یا ماکارون‌لار بیشیب یومشالان آرتیق آشنیز حاضیر دئمک‌دیر. تانیش اوزرینه کره یاغیندا چئوریلمیش قورو نعناع علاوه ائده‌رک ده سرویس ائدهبیلیرسیز. عافیت اولسون!
------------
تورک مطبخی پروقرامیندا بو گون سیزلره "ریشته یاشیل مرجی آشی" تعریفینی وئردیک. باشقا بیر وئریلیشده بیر باشقا تورک لذتی گؤروشمک اوچون ساغ اولون.
ایلگیلی‌لی خبرلر
آورآسیا جمهوریتلرینین گۆندمینده‌کی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیه‌یه رسمی سفر گئرچکلشدیردی
