هفتهنین آنالیزی / 13
تاررانتیزم؟
آنکارا ییلدیریم بیازیت اونیورسیته سینین پولیتولوگیا فاکولتهسینین دئکانی پروفسور قودرت بولبولون "تاررانت خریستیان ترورچودورمو؟" آدلی آنالیتیک یازیسینی تقدیم ائدیریک.
آوسترالیالی آغ عیرقچی برنتون تاررانتین یئنی زلاندیادا حیاتا کئچیردیگی و 50 مسلمانین اؤلومو ایله نتیجهلنن ترور حادثه سیندن سونرا تروردان بیر مئتود کیمی ایستیفاده ائدن عیرقچیلیگین و ایفرات ساغچی اولماغین نئجه تصویر ائدیلمهسینین واجیبلیگینه دایر موباحیثه یئنیدن گوندمه گلدی.
حاضرداکی یایغین تصویر "ایسلاموفوبیا ترور"، "ایسلام علیه دارلیغی/ دوشمنچیلیگی"، "آنتیایسلامیزم یؤنلو" طرزیندهدیر.
آنتیسئمیتیزم، آنتیایسلامیزم
20 -جی عصرده باتی دا یاشانان یهودی نیفرتی و یهودیلره قارشی حیاتا کئچیریلن بشریته یاراشمایان رفتارلار، یایغین بیر قبوللا آنتیسئمیتیزم آدلاندیریلیر. اوخشار بیر شکیلده مسلمانلارا قارشی آرتماقدا داوام ائدن زوراکیلیق و ترور حادثه لری آنتیایسلام یؤنوملو، ایسلام دوشمنچیلیگی کیمی مفهوملارلا آدلاندیرماق، هم غیری -اینسانی بیر فاجعه نی خاطیرلادیر هم ده آنتیایسلامی آنتیسئمیتزم ایله بیرلیکده محکوم ائتمه باخیمیندان فونکسیونال اولا بیلر. بونونلا یاناشی بئله آدلاندیرمالار پروبلئمین اساس قایناغی اولان مئنتالیتئتی اورتایا چیخارمیر. پروبلئمی عمومی لیکده قوربانلار اوزریندن تصویر ائدیر، پروبلئم آغلیندا اولانلاری و جینایتکارلاری کؤلگهده قویور.
دیگر طرفدن باتی داکی یاخین و حقیقی تهدید سادهجه ایسلام علیهینه اولان دوشونجهلری احاته ائتمیر. تاررانتین باتی ایجمالاریندا آغ عیرق دان ساوایی ایجمالاری اؤلدورمکدن باشقا یولون اولمادیغینی تفررواتلی شکیلده ایضاح ائتدیگی ترور مانیفئستینده گؤرولدوگو کیمی آغ عیرق دان باشقا بوتون فرقلیلیکلر تهدید آلتیندادیر. عیرقچی آغلار و ایفرات ساغچیلار اوچون آغ اولماق باتی دان ساوایی ایجمالارداکی آغلاری کناردا قویاجاق شکیلده آوروپاداکی آغ عیرقی احتیوا ائدیر.
فاشیزم، ناسیزم، سیونیزم
آختاردیغیمیز مفهوم اصلینده چوخ یئنی، چرچیوهسی ائله چوخ معلوم اولمایان بیر مفهوم دئییل. مفهومون یوخاری باشلیغی معلوموموزدور: عیرقچیلیک. اما حاضردا قارشی-قارشییا قالدیغیمیز وضعیتی ایفاده ائتمکده عیرقچیلیک چوخ کیفایتسیز قالیر. موجود وضعیت اؤز حالیندا اؤز عیرقینی سئومیی، اونون اوچون ایشلمیی، اونو اؤن پلانا چیخارماغی مقصد گؤتورن بیر عیرقچیلیک دورومو دئییل. بوندان کناردا اؤز عیرقی، اؤز حیات طرزی اوچون باشقا عیرق لری، فرقلی حیات طرزلرینی محو ائتمیی مقصد گؤتورن، بونون اوچون آوروپادا تئز-تئز گؤروندوگو کیمی معبدلری، اینسانلاری ائولرینده دیری-دیری یاندیرماغی، هر نؤع ترور هوجومونو بیر مئتود کیمی منیمسهیه بیلن بیر عیرقچیلیک وضعیتیدیر. اوخشار دوروملار اوچون ادبیاتدا ایستیفاده ائتدیمیگیز کیفایت قدر مفهوم وار. فاشیزم بیر نؤع دؤولت عیرقچیلیگی کیمی گؤروله بیلر. ناسیزم ایسه، دؤولتی ده اؤزو اوچون واتیسه کیمی گؤرن، آلمانلارین اوستونلوغونه اساسلانان میللت عرقچیلیگیدیر.
سیونیزم ایسه هم میللت هم ده دین عرقچیلیگینین بیرلشمیش وضعیتی کیمی گؤروله بیلر. سیونیزم Thedore Herlz طرفیندن اینکیشاف ائتدیریلن، یهودیلرین سئچیلمیش میللت اولدوغونو، تانرینین تورکیه-نین بیر حیسهسینی ده احاته ائدهجک شکیلده معین تورپاقلاری (اود ائدیلمیش تورپاقلار) اونلارا وعدد ائتدیگینی، همین سببدن بو تورپاقلاری الده ائتمک اوچون هر شئی ائتمیین قانونی اولدوغونو مودافعه ائدن ایدئولوژی کیمی گؤروله بیلر. روگئر گاراودینین ایفادهسیله عیرقچی و موستملکچی بیر ایدئولوژی دیر. ایسرایل-ین بمت قرارلارینی، اولوسلار آراسی حقوقو، اینسان حاقلاری و اساس آزادلیقلاری گؤزدن یاییندیراراق فیلیسطینلیلره ائتدیگینی بیر چوخ متفکر و اینسان حاقلاری آکتیویستی هیتلرین یهودیلره ائتدیگی ایله موقاییسه ائدیر. هئچ شوبهه یوخدور کی، بوتون یهودیلر سیونیزم بارهده همفیکیر دئییللر. سیونیزمی تامامیله رد ائدن، یهودیلرین بیر دؤولت قورماسینی دینلرینه ضد گؤرن، بو سببدن ایسرایلی لی تانیمایان اورتودوکس یهودیلر ده وار.
hiteizm? Wasizm? ، تاررانتیزم؟
فاشیزمی دؤولت عیرقچیلیگی، ناسیزمی میللت عیرقچیلیگی، سیونیزمی دین عیرقچیلیگی کیمی تصویر ائتسک احتیاج دویدوغوموز مفهوم اساساً عیرقچیلیکدیر. آغلارین اوستونلوگو تروردان بیر مئتود کیمی ایسیتفاده ائدن آغ عیرقچیلیگینی ایفادهده خیلی کیفایتسیز و معصوم قالیر. چونکی بو نقطهده آغ عیرقین اوستونلوگو بیر اینانج اولماقدان چیخمیش، بو اینانج ترورون عاملینه چئوریلمیش وضعیتدهدیر.
احتیاج دویولان مفهوما دقیق قرار وئرمسک ده هارادان چیخماسی، نیه ایشاره ائتمهسینین واجیبلیگینی بیلیریک. مفهوم ترورو و زوراکیلیغی بیر مئتود کیمی منیمسهین آغ عیرقچیلرین ذهین دونیاسیندان چیخماقدادیر. بو نقطهده فاشیزمی و ناسیزمی خاطیرلاداجاق و اونلارلا بیرلیکده محکوم ائدهجک شکیلده Wasizm یاخود Whiteizm (آغ عیرقچیلیک) مفهوملاری ایرهلی سوروله بیلر.
Waisizm یایغین ایستیفادن صحبت گئتسه آغ عیرقچی ترورو، کناردا بوراخماغی، نیفرته ایشاره ائدن بیر مفهوم کیمی قیسا مودتده قبول ائدیله بیلر. اما بئله بیر وضعیتده کئچن هفته ایشاره ائتدیگیمیز کیمی پروبلئمله قارشی-قارشییا قالیناجاقدیر. خریستیانلیق آدیندان حیاتا کئچیریلن ترورا خریستیان ترورو، ایسلام آدیندان حیاتا کئچیریلن ترورا ایسلام ترورو دئییلمهسی بو اینانج قروپلارینداکی چوخ بؤیوک نیسبتدکی منطق لی اکثریت اوچون بیر بهتان اولاجاقدیر.
بئله سؤزلردن ایستیفاده ائدیلمهسی یاخود قطب لشدیرمهلر ترور تشکیلاتلارینین داها چوخ خئیرینه اولاجاقدیر. اوخشار شکیلده آغ عیرق آدیندان ترورا ال آتانلار سببیندن بوتون آغلاری شوبهه آلتیندا بوراخاجاق ایفادهلردن ایستیفاده ائتمکدن ایمتینا ائتملیگیک. ناسیزمی آلمانلاردان آیری توتاراق بیر میللت عیرقچلیگی، سیونیزمی یهودیلردن آیری توتاراق بیر میللت و دین عیرقچیلیگی کیمی گؤروروکسه، آغ عیرقچیلیگینی ده بونو منیمسهین آغلاردان آیری توتاراق محکوم ائدهجک بیر ترمینولوژیدن ایستیفاده ائتملیگیک. بو نقطهده مانیفئستینی ده یازدیغی اوچون آغ عیرقچیلییه اساسلانان ترورا تاررانتیزم دئمک آغلا گله بیلر. تاررانتیزم بوتون آغلاری دئییل. مانفئستینده ایشاره ائتدیگی شکیلده ترورو بیر مئتود کیمی قانونی گؤرنلر اوچون ایستیفاده ائدیله بیلر. بئله مفهوملار دا تکلیف ائدیلهجکسه بو فرقی نظرده توتان بیر مفهوم اورتایا قویولمالیدیر. نتیجه اولاراق اساس حاق و آزادلیقلاری، سؤز آزادلیغینی، یاشاماق حاقینی رد ائدن، تروردان بیر مئتود کیمی ایستیفاده ائدن آغ عیرقچیلیگی یاخود ایفرات ساغ یؤنوملو ترور اوچون یئنی بیر مفهوما احتیاج اولدوغو معلومدور. اورتایا قویولاجاق بیر مفهوم قوربانلاری مرکزده ساخلایان دئییل، جینایتکارین ذهین دونیاسینی گؤسترن و بو مئنتالیتئتی محکوم ائدن بیر مفهوم اولمالیدیر. یعنی فاشیزم، ناسیزم و سیونیزمی خاطیرلاداجاق و اونلارلا بیرلیکده محکوم ائدهجک شکیلده، آغلارین اوستونلوغوندن اورتایا چیخاریلان، لاکین بوتون آغلاری دا اتهام ائتمهین بیر مفهوم…