لندنده رمضان جوشغوسو

اینگیلیستانین پایتاختی لندنین مشهور توریستیک یئرلریندن بیری اولان پیکادیللی استریت بو ایل رمضان (۱۱ مارچ-۹ آوریل) اوچون خوصوصی کوچه بزکلری ایله بزدیلیب.

اؤتن ایل ایلک دفعه اولاراق لندنده رمضان ایشیقلاری کوچه‌لری ایشیقلاندیریب. بو ایل ده رمضانین روحو و جوشغوسو لندن کوچلرینه ایشیقلاندیرما ایله گتیریلیب.

پیکادیللی کوچه‌سی رمضان ایشیقلاری ایله بزدیلیب و «رمضان موبارک» یازیلیب.

رمضان ایشیقلاندیرمالاری موسلمان تشکیلاتلاری و باغیشچیلار طرفیندن دستکلنیب.

لندن بلدیه باشقانی صادق خانین دا قاتیلدیغی مراسیمده ایشیقلار یاندیریلیب.

صادق خان، "من بو اتمسفرله حقیقتن فخر ائدیرم. لندنده قئید ائده‌جییمیز چوخ موختلیفلیک وار. لندنده موختلیف دینلردن اولان او قدر چوخ اینسان وار. موسلمانلارا حؤرمت ائدیلیر و باتی بایراملاری قبول ائدیر، بو لندنین ان گؤزل جهتیدیر" دئدی.

رمضان ایشیقلاری هم لندنلیلرین، هم ده توریستلرین بؤیوک ماراغینا سبب اولوب.