صربیستاندا تۆرکجه‌یه بؤیوک ایلگی وار

صربیستانین باشکندی بلگراددا، تۆرکجه کورسلارینا قاتیلان اونیوئرسیته اؤیرنجیلری اوچون سرتیفیکیت مراسیمی تشکیل ائدیلدی.

تۆرکیه‌نین بلگراد ائلچیلیگی تحصیل موشاویرلیگی طرفیندن تشکیل ائدیله‌ن آ۱ و آ۲ سویه‌سی تۆرکجه کورسلارینا قاتیلان بلگراد اونیوئرسیته‌سی سیاسال بیلگیلر فاکولته‌سی اؤیرنجیلرینه سرتیفیکیتلری وئریلدی.

اؤیرنجیلر، تۆرکیه‌نین بلگراد ائلچیلیگی بیناسیندا ائلچی حامی آکسوی طرفیندن قوناق ائدیلدی.

آکسوی، بورادا ائتدیگی دانیشمادا، صربیستاندا اؤزللیکله گنجلرده تۆرکجه‌یه بؤیوک ماراق اولدوغونو سؤیله‌دی.

یونوس امره انستیتوسونون آچدیغی تۆرکجه کورسلاریندا بو گونه قدر ۴ میندن چوخ اؤیرنجینین تحصیل آلدیغینی بیلدیرن ائلچی آکسوی، "بلگراد اونیوئرسیته‌سینده تۆرکولوژی بؤلومو وار. آیریجا یئنی بازاردا تۆرکجه درسلریمیز داوام ائدیر، تۆرکیه‌دن اوخوتمانلار گلیر، اینانیلماز بیر قالابا‌لیقدا تۆرکجه درسی وئردیگیمیزی سؤیله‌یه‌بیلره‌م" دئدی.

تۆرک دیزیلرینین صربیستاندا چوخ چوخ ایزله‌نیلدیگینی و بونون دا تۆرکجه‌یه اولان ماراغی یۆکسلتدیگینی بیلدیرن آکسوی، "هر ائوده تۆرکجه دیزیلر ایزله‌نیلیر، آرتیق بونلار تۆرکیه‌نین یومشاق گوجو اولموش وضعیتده. یالنیز بالکان جغرافیاسیندا دئییل گونئی آمریکادا، آسیادا، آفریقادا، اورتا دوغودا چوخ سیخ بیر شکیلده ایزله‌نیلیر. سانیرام سریال صادراتیندا دا ایکینجی سیراداییق و طبیعی بوندان بؤیوک بیر موتلولوق دویوروق" ایفاده‌سینی ایشلتدی.