آنتالیایا توریست آخینی داوام ائدیر
ژانویه و فوریه‌ده خاریجی توریست ساییسی یوزده ۱۰،۸۲ آرتیمشلا ۴۹۹ مین ۷۸۴ اولدو
آنتالیا ایلین ایلک ایکی آییندا خاریجی توریست ساییسیندا رکورد قیردی.
مدنیت و توریزم باخانلیغی بیلگیلرینه گؤره، ژانویه و فوریه‌ده خاریجی توریست ساییسی یوزده ۱۰،۸۲ آرتیمشلا ۴۹۹ مین ۷۸۴ اولدو.
یالنیز فوریه‌ده یوزده ۱۷،۲۰ آرتیش ایله ۲۷۰ مین ۶۸۶ خاریجی توریست شهره گلدی.
آنتالیایا فوریه آییندا ان چوخ زقوناق گؤندره‌ن اؤلکه‌لر سیرالاماسیندا ۵۸ مین ۲۲۸ زتوریست ایله آلمانیا ۱.جی اولدو.
روسیا فدراسیونو ۴۸ مین ۹۳۷ توریست ایله ۲.جی، اینگیلتره ۳۷ مین ۴۵۴ توریست ایله ۳.جو سیرادا یئر آلدی.
لهستان، هلند، قازاقیستان، اوکراینا، دانمارک، اتریش و بلژیک ایسه اینگیلتره‌نین آردیندان سیراسییلا آنتالیایا ان چوخ توریست گؤندره‌ن اؤلکه‌لر اولدو.
ایکی آیلیق بیلگیلرده ایسه روسیا فدراسیونو ۱۰۶ مین ۳۰۴ توریست ایله ۱.جی اولارکن، آلمانیا ۹۷ مین ۶۵۵ توریست ایله ۲.جی، اینگیلتره ده ۵۵ مین ۳۸۴ توریست ایله ۳.جو اولدو.
اینگیلتره‌نی سیراسییلا لهستان، قازاقیستان، اوکراینا، هلند، ایران، بلژیک و دانمارک ایزله‌دی.
