شانلی اورفا شهرینده موزه لر قاپیلارینی یئنیدن زیارتچیلرین اوزونه آچماغا باشلاییب
شانلی اورفا آرخولوژی موزه سی و هالپلی باخچا موزاییک موزه سی تعمیرات ایشلریندن سونرا قاپیلارینی زیارتچیلرین اوزونه آچماغا باشلاییب.
کئچن ایل شانلی اورفا شهرینده سئل فلاکتیندن ضرر چکن شانلی اورفا آرخولوژی موزه سی و هالپلی باخچا موزاییک موزه سی تعمیرات ایشلریندن سونرا قاپیلارینی زیارتچیلرین اوزونه آچماغا باشلاییب.
موزه لرده آپاریلان ایشلرله باغلی معلومات آلان شانلی اورفا والیسی حسن شیلداک 11 آیلیق مدت عرضینده آپاریلان بوتون ایشلرین تاریخی اثرلره ضرر وئرمهدن حساس لیقلا آپاریلدیغینی و فوریهنین 15-دن اعتباراً موزه لرین یئنیدن زیارتچیلره آچیلدیغینی بیلدیریب.
2015-جی ایلده آچیلان و 60 مین متر مربع ساحهده اینشا ائدیلن موزه ده گؤبئکلی تپه و "تاریخین صیفیر نقطهسی اولاراق دا بیلینن کاراحان تپه کیمی دونیاجا مشهور قازینتیلاردا تاپیلان اثرلر ده سرگیلنیر.
موزه ده ایلک دفعه سرگیلنن اثرلر آراسیندا 2023-جو ایلده کاراحان تپه قازینتی ساحهسیندن تاپیلان اینسان هیکلی ده وار. بیلدیریلیر کی، بو اثر دونیادا نئولیتیک دؤورو تاریخ شوناسلیغی اوچون بؤیوک اهمیت کسب ائدیر.
2023-جو ایلده آدی یامان و شانلی اورفا ویلایتلرینده موشاهیده اولونان لئیسان بؤلگهدهکی چایین داشماسینا، آدی یامانین توت و مالاتیانین دوغان شهیر بولگه لرینده داشقینلارا سبب اولوب.
تورکیه-نین ان بؤیوک موزه ساحهسی اولان شانلی اورفا آرخولوژی موزه سی و هالپلی باخچا موزاییک موزه سی بو فلاکتده ضرر گؤروب.
آرخولوژی موزه سینین زیرزمیسینده اولان 10 مین اثر سو آلتیندا قالیب.
ایلگیلیلی خبرلر
برنارد هیل حیاتینی ایتیردی
اینگیلیس آکتورون اؤلوم خبرینین آردیندان سئوهنلری سوسیال مئدیادا کدرلرینی پایلاشدی