کاپادوکیادا توریزم رکورد قیردی

کاپادوکیادا گئچه‌ن ایل آغیرلانان ۴ میلیون ۸۲۶ مین ۶۶۲ یئرلی و خاریجی توریستله، بوتون زامانلارین رکوردو قیریلدی.

نئوشهیر والیسی علی فیدان، ۲۰۲۳.جو ایلین بؤلگه توریزمی باخیمیندان باشاریلی گئچدیگینی، توریستلرین ماراغینین ۲۰۲۴ده ده آرتاراق داوام ائدجگینه ایناندیغینی ایفاده ائتدی.

گئنیش جغرافیاسی و بنزرسیز گؤزللیکلری ایله کاپادوکیانین چکیم مرکزی اولماغا داوام ائتدیگینی وورغولایان فیدان، سؤزلرینی بئله داوام ائتدیردی:

"طبیعی گؤزللیکلری، تاریخی و مد‌نی دگرلریله بیرلشمیش میللتلر تحصیل، بیلیم و مدنیت قورومو (یونسکو) دونیا میراثی لیستینده یئر آلان کاپادوکیا بؤلگه‌سی و ولایتیمیز، هر ایل میلیونلارجا یئرلی و خاریجی قوناغا ائو صاحبلیگی ائتمکده‌دیر. ولایتیمیز بو طرفی ایله اؤلکه‌میزین تانیدیلماسی و اقتصادینا اؤنملی قاتقی سونماقدادیر. توریزم بؤلومو ولایتیمیزین رفاهی و استخدامی باخیمیندان دا اؤنملی بیر رولا صاحیبدیر. قوناق ساییمیزین ۲۰۲۳.جو ایلده ۴ میلیون ۸۲۶ مین ۶۶۲ نفره چاتدیغینی گؤرمکده‌ییک. بو، بوتون زامانلارین دا ان یوکسک رقمی‌یر و بیر رکورددور".