تۆرکیهیه گلن قوناق ساییسی آچیقلاندی
نوامبر آییندا ان چوخ توریست گؤندرهن اؤلکهلر سیرالاماسیندا روسیا فدراسیونو بیرینجی، آلمانیا ایکینجی، بولقاریستان اوچونجو، ایران دؤردونجو و گورجوستان بئشینجی اولدو
تۆرکیهیه، ۱۱ آیدا ۵۲،۷ میلیونون اۆزرینده قوناق گلدی.
کۆلتور و توریزم باخانلیغینین آچیقلاماسینا گؤره، ژانویه-نوامبر ۲۰۲۳ دؤنمینده تۆرکیه، ۵۲ میلیون ۷۴۲ مین ۵۲۶ قوناق آغیرلادی.
گلن قوناقلارین ۴۶ میلیون ۷۲۵ مین ۴۲۴ونو خاریجیلر، ۶ میلیون ۱۷ مین ۱۰۲ینی ایسه خاریجده یاشایان وطنداشلار اولوشدوردو.
خاریجی وقوناق ساییسیندا گئچهن ایلین عینی دؤنمینه گؤره یوزده ۱۰،۸۲ آرتیش یاشاندی.
تۆرکیهیه ۱۱ آیدا ان چوخ توریست گؤندرهن اؤلکهلر سیرالاماسیندا بیر اؤنجهکی ایلین عینی دؤنمینه گؤره روسیا فدراسیونو یوزده ۲۳،۰۲ آرتیش و ۶ میلیون ۸۳ مین ۶۹۶ قوناقلا بیرینجی، آلمانیا یوزده ۸،۷۳ آرتیش و ۵ میلیون ۹۵۹ مین ۸۴۳ قوناقلا ایکینجی، اینگیلتره (بیرلشمیش کراللیق) ایسه یوزده ۱۲،۴۴ آرتیش و ۳ میلیون ۷۱۱ مین ۸۰۲ قوناقلا ایله اوچونجو اولدو.
بو اؤلکهلری بولقاریستان و ایران ایزلهدی.
تۆرکیهیه نوامبر آییندا گلن خاریجی توریست ساییسی ایسه ۲ میلیون ۵۲۵ مین ۳۴۵ اولاراق ثبت ائدیلدی.
نوامبردا ان چوخ توریست گؤندرهن اؤلکهلر سیرالاماسیندا روسیا فدراسیونو بیرینجی، آلمانیا ایکینجی، بولقاریستان اوچونجو، ایران دؤردونجو و گورجوستان بئشینجی اولدو.