شهید اؤیرتمن آیبۆکه‌نین حیاتی فیلم اولدو

جمهورباشقانی رجب طیب اردوغان و حیات یولداشی امینه اردوغان، باتمانین قوزلوق ائلچه‌سینده ۲۰۱۷ده تروریستلرین سالدیریسی نتیجه‌سینده ۲۲ یاشیندا شهید اولان اؤیرتمن شن‌آی آیبۆکه یالچینین حیاتینی و اؤیرتمنلیک غزمینی آغ پرده‌یه داشییان، "آیبۆکه؛ اؤیرتمن اولدوم من!" فیلمینین ایلک گؤستریمینه قاتیلدی.

تورکیه رادیو تلویزیون قورومو (ت‌رت) اورتاق یاپیمییلا آغ پرده‌یه داشینان و ۲۴ نوامبر اؤیرتمنلر گونونده (بو گون) سینماسئورلرین قارشیسینا چیخاجاق "آیبۆکه؛ اؤیرتمن اولدوم من!" فیلمینین ایلک گؤستریمی، باشکند آنکارادا بئش‌تپه میللت کنگره و مدنیت مرکزینده ائدیلدی.

جمهورباشقانی اردوغان، فیلمی، حبات یولداشی امینه اردوغان، شهید اؤیرتمن آیبۆکه یالچینین آناسی زهرا، آتاسی صادق، قارداشی آی‌بارس یالچین و فیلمین اویونچولارییلا بیرلیکده ایزله‌دی.

فیلمین بیتیمین‌ه حیات یولداشی امینه اردوغان ایله صحنه‌یه چیخان جمهورباشقانی اردوغانا، شهید اؤیرتمنین عائله‌سی طرفیندن آیبۆکه یالچینین باغلاماسی هدیه ائدیلدی.

ت‌رت باش مۆدورو محمد زاهید سوباجی دا امینه اردوغانا آیبۆکه یالچینین سیمبول فوتوگرافیندا اولان سمبولیک قیرمیزی یازما/اؤرتو و مینیاتور باغلامانی تقدیم ائتدی.

فیلمین سناریوسونو اوغور قیلیج ایله اوزان بودور قلمه آلدی، یؤنتمنلیگینی ایسه مراد اون‌بول ائتدی.