ونیزده شهره گیریش پوللو اولاجاق
شهر ساکینلری، ایشچیلر، اؤیرنجیلر، ۱۴ یاش آلتی اوشاقلار و ایدمان فعالیتلری اوچون گئدنلر معاف توتولاجاق
ایتالیادا ونیز بلدیه‌سی، شهره بیر گون اوچون گئده‌جک اولان توریستلردن ۲۰۲۴-جو ایلده گیریش اؤدنیشی آلماغا حاضرلانیر.
ونیز بلدیه‌سیندن وئریله‌ن یازیلی آچیقلامایا گؤره، بلدیه یؤنه‌تیمی، شهرده‌کی توریست سیخلیغینین اؤنونه گئچیلمه‌سینه دایر ۲۰۲۴-جو ایلده توریست ساییسینین ان یوکسک اولماسینین گؤزله‌نیلدیگی گونلرده توریستلردن گیریش اؤدنیشی آلاجاق. بو ایش، ایل ایچینده ۳۰ آیری گونده ائدیله‌جک و گیریش اؤدنیشی ۵ یورو اولاجاق.
شهر ساکینلری، ایشچیلر، اؤیرنجیلر، ۱۴ یاش آلتی اوشاقلار و ایدمان فعالیتلری اوچون گئدنلر معاف توتولاجاق.
بلدیه طرفین‌دن بلدیه مجلیسینه گؤندریله‌ن قرار، تصدیق اوچون ۱۲ سپتامبردا مذاکیره ائدیله‌جک.
ونیز بلدیه باشقانی لویگی بروگنارو، یئنی اویقولامانین شهرین قاپادیلماسی معناسینی وئرمه‌دیگینی آنجاق بللی دؤنملرده توریست سیخلیغینی تنظیم ائتمه‌لری لازیم اولدوغونو سؤیله‌دی.
ونیزده اؤنجه‌کی ایللرده ده بنزر ایشللر گوندمه گلسه ده فرقلی سببلرله تطبیق اولونابیلمه‌میشدی.
کاناللارین اوستونه قورولو تاریخی قورولوشویلا ونیز، هر ایل میلیونلارجا توریستی آغیرلاییر.
