تورکیه جمعیتی ایله دونیادا ۱۸.جی سیرادا
تورکیه ۸۵ میلیون ۲۷۹ مین ۵۵۳ نفرلیک اهالیسی ایله ۱۹۴ اؤلکه آراسیندا ۱۸.جی سیرادا یئر آلیرکهن، دونیانین توپلام اهالیسیندن یوزده ۱،۱ پای آلدی
تورکیه، ۸۵ میلیون ۲۷۹ مین ۵۵۳ نفرلیک جمعیتی ایله ۱۹۴ اؤلکه آراسیندا ۱۸.جی سیرادا یئر آلدی.
دونیا جمعیتینین ۱۹۹۹دا ۶ میلیاردا، ۲۰۱۱ده ۷ میلیاردا و ۲۰۲۲ده ۸ میلیاردا چاتدیغی تخمین ائدیلیر.
بیرلشمیش میللتلرین جمعیت تخمینلرینه گؤره ۲۰۲۲ده ان چوخ اهالییه صاحب اؤلکه ۱ میلیارد ۴۲۵ میلیون ۸۸۷ مین ۳۳۷ نفر ایله چین اولارکهن، بو اؤلکهنی ۱ میلیارد ۴۱۷ میلیون ۱۷۳ مین ۱۷۳ نفر ایله هیندیستان، ۳۳۸ میلیون ۲۸۹ مین ۸۵۷ نفر ایله آمریکا بیرلشمیش دؤولتلری ایزلهدی. بو ۳ اؤلکه دونیا توپلام اهالیسینین یوزده ۳۹،۹ونو اولوشدوردو.
تورکیه ۸۵ میلیون ۲۷۹ مین ۵۵۳ نفرلیک اهالیسی ایله ۱۹۴ اؤلکه آراسیندا ۱۸.جی سیرادا یئر آلیرکهن، دونیانین توپلام اهالیسیندن یوزده ۱،۱ پای آلدی.
تورکیهنین اوشاق جمعیتی نیسبتینین یوزده ۲۶،۵ ایله آوروپا بیرلیگی اؤلکهلرینین اوشاق جمعیتی نیسبتلریندن داها یوکسک اولدوغو گؤرولدو.
تورکیهنین گنج اهالی نیسبتینین ایسه یوزده ۱۵،۲ ایله آوروپا بیرلیگی عضوو ۲۷ اؤلکهنین گنج اهالی نیسبتلریندن داها یوکسک اولدوغو قید ائدیلدی.
تورکیهنین یاشلی نفوسو نیسبتی ده یوزده ۹،۹ ایله آوروپا بیرلیگی عضوو ۲۷ اؤلکهنین یاشلی نفوسو نیسبتلریندن داها آشاغی سویهده قالدی.
ایلگیلیلی خبرلر
برنارد هیل حیاتینی ایتیردی
اینگیلیس آکتورون اؤلوم خبرینین آردیندان سئوهنلری سوسیال مئدیادا کدرلرینی پایلاشدی