"ان یاخشی فیلم" موکافاتینی "آنادولو لئوپاری" فیلمی قازاندی

جاری ایل هوللاندیادا کئچیریلن 9-جو قیرمیزی لاله فیلم فستیوالیندا (RTFF) 2021-جی ایل تولیدی اولان امره کاییشین کارگردانی ائتدیگی "آنادولو لئوپاری" (آنادولو بیری) "ان یاخشی فیلم" موکافاتینی قازانیب.

روتردام شهرینده کئچیریلن مراسیمده تورک و هوللاند داورلر هئیتی‌نین عضو‌لری‌نین قیمتلندیرمه‌لری نتیجه‌سینده فیلم بیرینجی‌لیک موکافاتینا لاییق گؤرولوب.

فرید کاراهان ایسه فستیوالدا "ان یاخشی کارگردان" موکافاتینی "اوکول تراشی" (مکتیب تاراشی) فیلمی ایله آلیب.

"عؤمور بویو موفقیت" موکافاتی قازانان هاله سوی غازییه ایسه موکافاتینی تورکیه-نین لاهه سفیری سلچوک اونال تقدیم ائدیب.

مراسیمده چیخیش ائدن اونال بیلدیریب کی، سینما سرحدلری آشان، هر کؤک‌دن و هر طبقه‌دن اولان اینسان‌لاری بیرلشدیرن چوخ گوجلو بیر صنعت ساحه‌سی‌دیر.

"تورک سینماسی‌نین اولوسلار آراسی سویه‌ده تانینماسی و محبوبیتی ایله یاناشی، چوخ گئنیش جوغرافیا‌لاردا تاماشاچی توپلایان تورک سریال‌لاری‌نین اوغورونو دا اونوتماق اولماز. آنجاق سینمانین یئری هله ده چوخ فرق‌لی‌دیر. چونکی سریال لاریمیزین آچدیغی بو اوغور زولاغیندا اؤلکه‌میزین خالقینی، مدنیتینی ان یاخشی شکیلده عکس ائتدیرن، تبلیغ ائدن فیلم‌لریمیز کان، برلین، ونیز و تورنتو کیمی اولوسلار آراسی میقیاسدا تانینان فستیوال‌لاردا نوماییش ائتدیریلیر، تعریف‌لر آلیر، تشککور و موکافات‌لارا لاییق گؤرولور"، -دئیه سلچوک اونال قئید ائدیب.