تی رکس جینسی دایناسور اسکلتی ساتیلدی
اسکلت، "ان مؤحتشم تی رکس اسکلتلریندن بیری" اولاراق تانیملانیر
سوئیس‌ده آچیق آرتیرمایا چیخاریلان تیرانوسوروس رکس (تی رکس) جینسی دایناسور اسکلتی ۶،۲ میلیون دلارا ساتیلدی.
سوئیس مطبوعاتیندا یئر آلان خبره گؤره، زوریخ‌ده‌کی کوللر حراج ائوی طرفیندن آوروپادا ایلک دفعه تی رکس جینسی دایناسور اسکلتی آچیق آرتیرمایا چیخاریلدی. تخمیناً ۶۷ میلیون یاشینداکی دایناسور اسکلتی، ۶،۲ میلیون دلارا آلیجی تاپدی.
۱۱،۶ متر اوزونلوغون‌دا و ۳،۹ متر یوکسکلیگینده‌کی اسکلت، "ان مؤحتشم تی رکس اسکلتلریندن بیری" اولاراق تانیملانیر.
آدی آچیقلانمایان آوروپالی بیر اؤزل کلکسیونچو طرفیندن ساتین آلینان اسکلتین آوروپادا قالاجاغینی ایفاده ائدیلدی.
۲۹۳ آیری سوموک‌دن اولوشان "۲۹۳ ترینیتی" آدلی اسکلت، ۲۰۰۸ و ۲۰۱۳ ایللری آراسیندا آمریکانین مونتانا و وایومینگ‌ده‌کی قازینتی ساحه‌لرین‌ده اولان اوچ فرق‌لی تی رکس جینسی دایناسورون قالیقلاریندان بیرلشدیریله‌رک یارادیلدی.
حراجا چیخاریلان دایناسور اسکلتلرینین بیر چوخو قیسماً قالیبلاردان اولوشارکن، ۲۹۳ ترینیتینین یاریسین‌دان چوخونون گئرچک سوموک اولدوغو بیلدیریلدی.
