توکیودا تورک سرگیسی
تورکیه جمهوریتینین قورولوشونون ۱۰۰.جو ایلی سببی ایله توکیودا فوتوگراف سرگیسی آچیلدی
تورکیه جمهوریتینین قورولوشونون ۱۰۰.جو ایلی سببی ایله ژاپنون باشکندی توکیودا "۱۰۰ دیسکاوریس" (۱۰۰ کشف) مؤوضوعلو فوتوگراف سرگیسی آچیلدی.
شیبویا بلدیهسینین اووادا مدنیت مرکزیندهکی سرگی آچیلیشینا تورکیهنین توکیو ائلچیسی قورقود گونگئن، شیبویا بلدیه باشقانی هاسبه کن، مسئوللار، ژورنالیستلر و قوناقلار قاتیلدی.
ائلچی گونگئن، فوتوگراف سرگیسینین تشکیل ائدیلمهسینده وئردیکلری دستکدن اؤترو شیبویا بلدیه باشقانلیغینا تشکر ائتدی.
تورکیه جمهوریتینین قورولوشونون ۱۰۰.جو ایلی سببی ایله آچیلان سرگینین، تورک-ژاپن دوستلوغونون اینکیشاف ائتدیریلمهسینه قاتقی تامین ائدجگینی سؤیلهیهن گونگئن، ایل بویونجا فرقلی زامانلاردا ژاپونون ۵ فرقلی شهرینده بو سرگینی تشکیل ائدجکلرینی بیلدیردی.
داها سونرا ائلچی گونگئن، "بیلمدیگینیز بویولهییجی تورکیه" شعارییلا آچیلان سرگیده تورکیهنین تاریخی، دینی، توریستیک و مدنی میراثینی عکس ائتدیرهن فوتوگراف کادرلاری حاقیندا، قوناقلارا معلومات وئردی.
خالقا آچیق "۱۰۰ دیسکاوریس" مؤوضوعلو سرگی ۱۱ آوریله قدر گزیلهبیلهجک.