دونیادا بایرام
قیرقیزیستانین باشکندی بیشکئک‌ده آت میدانی، بایرام قوتلامالاری چرچیوه‌سینده، آت اویونلارینا ائو صاحبلیگی ائتدی
عراق‌لیلار، باهارین باشلانغیجینی تمثیل ائد‌ن ارگنه‌کون بایرامینی کرکوک شهر مرکزینده قوتلادی.
هر ایل اولدوغو کیمی بو ایل ده چوخ ساییدا کرکوک‌لو، تاریخی کرکوک قالاسی و آتا گورگور پارکیندا تشکیل ائدیله‌ن فعالیته قاتیلدی.
قوتلاما ساحه‌لرینده گوونلیک تدبیرلری آلیندی.
کرکوک‌لولر، نووروزو "دوستلوق و قارداشلیق بایرامی" شکلینده آدلاندیراراق بایرامین کرکوک باش‌دا اولماق اوزره بوتون اؤلکه‌ده باریش و سئوگییه وسیله اولماسینی آرزو ائتدی.
عراقین بیر چوخ شهرین‌ده، باهارین باشلانغیجینی تمثیل ائد‌ن یئنی گون بایرامی سببی ایله موختلیف فعالیتلر تشکیل ائدیلیر.
ایران‌دا دا هجری شمسی تقویمینه گؤره هر ایل ۲۱ مارس گونو بایرام قوتلانیر.
بایرام قوتلامالاری چرچیوه‌سینده باشکند تهران‌داکی "ایران مول" آلیش وئریش مرکزینده فعالیت تشکیل ائدیلدی. فعالیت‌ده موزیکال رقصلی سو و ایشیق گؤستریسی تشکیل ائدیلدی.
قیرقیزیستانین باشکندی بیشکئک‌ده آت میدانی، بایرام قوتلامالاری چرچیوه‌سینده، آت اویونلارینا ائو صاحبلیگی ائتدی.
هاوانین گؤزل اولماسینی فورصت بیله‌ن مینلرجه اینسان، قیرقیزلارین میللی دگرلرینی و گئچمیشینی سیمگه‌‌له‌یه‌ن و آتلارلا اوینانان میللی اویونلارینی ایزله‌مک اوچون آت میدانلارینا آخین ائتدی. قوتلامالار چرچیوه‌سینده کؤک بؤرو اویونو سرگیله‌ندی.
آمریکا بیرلشمیش دؤولتلرینده آغ ائوده ده بایرام سببی ایله قوتلاما ائدیلدی.
آمریکا باشقانی جو بایدنین حیات یولداشی جیل بایدنین ائو صاحبلیگی ائتدیکی فعالیت‌ده، یئنی گون بایرامینی قوتلایان اؤلکه و توپلولوقلاردان قاتیلیمچیلار حاضر اولدو.
باشقان بایدن ده "ائوینیزه خوش گلدینیز." دئیه‌رک، قاتیلیمچیلارین بایرامینی قوتلادی.
بو ایل بایرام قوتلامالارینین چتین بیر دؤنمه گلدیگینی سؤیله‌یه‌ن بایدن، تورکیه و سوریه‌ده زلز‌له‌لردن تأثیرلنه‌نلری ده آندی.
بایدن، ایران‌داکی اعتراضلارا ایشاره ائد‌رک، ایران خالقییلا دایانیشما مئساژی وئردی.
