پروتئونون آدی حیوان باخیم مرکزینه وئریلدی
قهرمان ایت پروتئونون هیکلی ایستانبولدا سارییئردهکی بیر پارکدا دا تیکیلهجک
قوجاائلینین باشاسکله ائلچهسینده تیکیلهن حیوان باخیم مرکزینه، مکزیک آختارما قورتارما اکیبینین آدییاماندا اؤلن ایتی پروتئونون آدی وئریلدی.
۶ فوریهده میدانا گلن و ۱۱ بؤلگهنی ووران قهرمان ماراش مرکزلی زلزلهلرین آردیندان باشلادیلان آختارما قورتارما ایشلرینده آکتیو رول آلان اؤزل تعلیم آلمیش ایتلر، حساس بورونلارییلا معین ائتدیکلری جانلارین ییخینتیدان ساغ چیخاریلماسینی تامین ائتدی.
آدییامانا گلن مکزیک اکیبینین چالیشمالار سیراسیندا خستهلنهرک اؤلن ایتی پروتئونون آدی، باشاسکله بلدیهسی طرفیندن تیکیمی تاماملانان کۆچه حیوانلاری باخیم مرکزینه وئریلدی.
بلدیه باشقانی محمد یاسین کؤکلو، سوسیال مئدیا حسابیندان ائتدیی پایلاشیمدا، "مکزیکه اوزون ایللر خیدمت ائتمیش پروتئونون آدینی مرکزیمیزه وئردیک. پروتئونون آدی ایللر بویونجا بو مرکزده یاد ائدیلهجک" ایفادهسینی ایشلتدی.
قهرمان ایت پروتئونون هیکلی ایستانبولدا سارییئردهکی بیر پارکدا دا تیکیلهجک.
سارییئر بلدیهسی طرفیندن، ۲۰۱۱دهکی وان زلزلهسینده آختارما قورتارما چالیشماسی یئریدیرکن حیاتینی ایتیرهن ژاپن یاردیم کؤنوللوسو دکتر آتسوشی میازاکینین آدینی داشییان پارکدا، میازاکی و پروتئو آدلی آنما مراسیمی تشکیل ائدیلدی.
مراسیمه، سارییئر بلدیه باشقانی شوکرو گنج، هیندیستانین ایستانبول باشکونسولو سودی چوودهاری، مکزیکین ایستانبول باشکونسولو ایزابل آرویده، ژاپونون ایستانبول باشکونسولو کاساهارا کنیجچی و سارییئر بلدیهسی سیویل ساوونما قروپو قاتیلدی.
آنما مراسیمینده دانیشان گنج،
"پروتئو وفا بورجوموز اولانلاردان بیریدیر. پارکیمیزدا اونون دا هیکلینه یئر وئرمک ایستهییریک" دئدی.
ایلگیلیلی خبرلر
ایزمیر لیمانیندا ایکی کروز گمیسی دمیر (لنگر) سالیب
2024-جو ایلده تورکیه لیمانلارینا 2 میلیوندان چوخ توریست گؤزلنیر