"بو گوجلو میللت یئنیدن آیاغا قالخاجاق"
گرافیک تاساریمچی ابرار الصباح، شارلی ابدونون تورکیه زلزله‌سی ایله باغلی کاریکاتورونو یئنیدن چکدی
گرافیک تاساریمچی ابرار الصباح، فرانسادا یاییملانان هفته‌لیک مزاح درگیسی شارلی ابدو طرفیندن تورکیه‌نین ۶ فوریه‌ده یاشادیغی زلزله فاجعه‌سی ایله باغلی یاییملادیغی کاریکاتورو یئنیدن چکدی.
قهرمان ماراش زلز‌له‌سینی "تورکیه‌ده زلزه‌له اولدو. تانک گؤندرمه‌یه احتیاج قالمادی" یازیسی ایله پایلاشان درگییه، سوسیال مئدیادا بوتون دونیادان تپکیلر داوام ائدیر.
صنعتچی الصباح، سوسیال مئدیا حسابیندان یایینلادیغی ویدئودا شارلی ابدونون تورکیه‌نین یاشادیغی زلزله فلاکتی ایله باغلی یاییملادیغی کاریکاتورو یئنیدن چکرک، "آی اخلاقسیز شارلی ابدو. ائله چکمه‌یه‌جکدینیز. بئله چکه‌جکدینیز. یئنیدن آیاغا قالخاجاغیق. بو گوجلو میللت یئنیدن آیاغا قالخاجاق!" پایلاشیمینی ائتدی.
درگینین سوسیال مئدیا حسابینا دا اؤز چکدیگینی گؤندره‌ن الصباحین اثری، قیسا مدت‌ده مینلرجه کز بگه‌نیلدی و اینترنت ایستیفاده‌چیلری طرفیندن پایلاشیلدی.
