الویس پرسلی‌نین قیزی لیزا اؤلدو
"گؤزل قیزیم لیزا مری‌نین آرامیزدان آیریلدیغینا دایر آجی خبری حۆزونله پایلاشیرام"
1932303
راک ان رول موسیقی‌سینین افسانه آدی آمریکالی موغنی الویس پرسلی‌نین تک اوشاغی ۵۴ یاشین‌داکی لیزا مری پرسلی، کئچیردیی اۆرک سکته‌سی ندنی ایله حیاتینی ایتیردی.
لیزا مری‌نین آناسی پریسیلا پرسلی، پیپل درگیسینه وئردیگی آچیقلامادا،
"گؤزل قیزیم لیزا مری‌نین آرامیزدان آیریلدیغینا دایر آجی خبری حۆزونله پایلاشیرام" دئدی.
آمریکا مطبوعاتین‌دا چیخان خبرلره گؤره، پرسلی، کالیفورنیا ایالتینین کالاباساس بؤلگه‌سینده‌کی ائوینین یاتاق اوتاغیندا، خیدمتچی‌سی طرفیندن حرکت‌سیز حال‌دا تاپیلدی.
اویونچو و موسیقی‌چی اسکی حیات یولداشی دنی کوگ، عاجیل کؤمک قروپلاری گلنه قدر پرسلییه اۆرک ماساژی ائتدی.
اۆرک دورماسی شوبهه‌سی ایله خسته‌خانایا آپاریلان پرسلی، موداخیله‌یه باخمایاراق ساعاتلار سونرا حیاتینی ایتیردی.
لیزا مری، آتاسی الویس پرسلی اؤلدوگونده ۹ یاشیندا ایدی.
