جونیت آرکین وفات ائتدی
"تورک سینماسینین دگرلی اویونچوسو سایین جونیت آرکین، اۆرهگینین دورماسی سببی ایله گتیریلدیگی خستهخانادا بوتون یئنیدن جانلاندیرما چابالارینا باخمایاراق حیاتینی ایتیردی"
اونودولماز فیلملری ایله تورک سینماسیندا ایز بوراخان مشهور اویونچو جونیت آرکین، ائوینده راحاتسیزلاناراق خستهخانایا آپاریلدی. آرکینین یاشامینی ایتیردیگی بیلدیریلدی.
جونیت آرکینین اؤلومو ایله باغلی خستهخانادان وئریلهن آچیقلامادا اویونچونون اۆرهگینین دورماسی سببی ایله خستهخانایا گتیریلدیگی بیلدیریلهرک،
"تورک سینماسینین دگرلی اویونچوسو سایین جونیت آرکین، اۆرهگینین دورماسی سببی ایله گتیریلدیگی خستهخانادا بوتون یئنیدن جانلاندیرما چابالارینا باخمایاراق حیاتینی ایتیردی. عائلهسینه و بوتون سئوهنلرینه باشساغلیغی وئریریک" دئییلدی.
اصل آدی فخرالدین جۆرهکلیباتیر اولان مشهور اویونچو ۱۹۳۷.جی ایلده اسکیشهرده آنادان اولدو.
آرکین، اؤز ایشی دکتورلوغو بوراخاراق ۱۹۶۳.جو ایلده اویونچولوغا باشلادی. بیر چوخ فیلمده رول آلان اوستا اویونچو بیر چوخ اؤدول آلدی.