نوبل اؤدولونو، اوکراینالی سیغینماچی اوشاقلار یارارینا ساتدی

۲۰۲۱ نوبل باریش اؤدولونه لایق گؤروله‌ن روسیالی ژورنالیست دمیتری موراتوو، اؤدولونو اوکراینالی سیغینماچی اوشاقلار یارارینا ۱۰۳،۵ میلیون دولارا ساتدی.

مزایده ائوی هریتج آکشینس، موراتووون نوبل اؤدولونو آمریکانین نیویورک شهرینده آچیق آرتیرما ایله ساتیشا چیخاردی.

روس ژورنالیست موراتووون اوکراینالی اوشاقلار یارارینا ساتیشا چیخاردیغی ۲۰۲۱ نوبل باریش اؤدولو ۱۰۳،۵ میلیون دولارا ساتیلدی.

موراتوو ساتیشدان سونرا،

"چوخ‌ بؤیوک بیر دایانیشما اولاجاغینی تخمین ائدیردیم اما بو قدر بؤیوک اولاجاغینی گؤزله‌میردیم" دئدی.

اؤدولدن الده اولونان گلیر، بیرلشمیش میللتلر تشکیلاتینین اوشاق صاندیغی(یونیسف) واسطه‌سی ایله اوکراینالی سیغینماچی اوشاقلارین یارارینا ایستیفاده اولوناجاق.

روس ژورنالیست موراتووون ۱۰۳،۵ میلیون دولارا ساتدیغی نوبل اؤدولو ۲۰۱۴.جو ایلده ۴،۷۴ میلیون دولارا ساتیلان جیمز واتسونون اؤدولونو گئچه‌رک بو ساحه‌ده رکورد قیردی.

هریتج آکشینس، آلیجینین بیلگیلرینی آچیقلامادی.

موراتوو ۱۹۹۳.جو ایلده روسیانین "نووایا قازئتا" قزئتینین قوروجولارین‌دان بیری ایدی.

نوبل کمیته‌سی،

"نووایا قازئتا بو گون روسیانین ان موستقیل قزئتیدیر و حکومتی تنقید ائدیر" آچیقلاماسی وئرمیشدی.