ت.ر.ت-نین اوره تیمی اولان فیلم‌لر ایستانبول فیلم فستیوالیندا 5 موکافاتا لاییق گؤرولوب

تورکیه رادیو تلویزیون قورومونون (ت.ر.ت) بیرگه اوره تیمی اولان فیلم‌لر ایستانبول مدنیت و اینجه صنعت وقفی (İKSV) طرفیندن تشکیل ائدیلن 41-جی ایستانبول فیلم فستیوالیندا 5  موکافاتا لاییق گؤرولوب.

ت.ر.ت-نین وئردیگی معلوماتا گؤره، 8-19 آوریل تاریخ‌لری آراسیندا سینماسئورلرله گؤروشن "41. ایستانبول فیلم فستیوا‌لی"نین میللی یاریشما بؤلمه‌سینده یاریشان ت.ر.ت-نین اورتاق اوره تیمی اولان Klondike" " "ان یاخشی فیلم" و " ان یاخشی گورونتولو یونتمن" موکافات‌لارینا لاییق گؤرولوب.

اوکراینا-روسیا سرحدینده یاشایان ایرا آدلی حامله قادین‌ین کندی‌نین عیرقچی قروپ‌لار طرفیندن محاصره‌یه آلینماسینا باخمایا‌راق ائویندن چیخماماسیندان بحث ائدن Klondike" " فیلمی "قیزیل لاله" باش موکافاتینی قازانیب.

گئجه‌یه قاتیلا بیلمه‌ین یونتمن مارینا ار قورباچ موکافات‌دان سونرا گؤندردیگی مئساژدا فیلمی اوشاق‌لارین حیاتی اوچون موباریزه آپاران اوکراینا‌لی قادین‌لارا حصر ائتدیک‌لرینی ایفاده ائده‌رک، مدنیت و توریزم ناظیرلیگی و ت.ر.ت-یه دستک‌لرینه گؤره تشککور ائدیب.

فستیوالین صنایع بؤلمه‌سینده "کؤرپوده گؤروش‌لر"، ت.ر.ت-نین اورتاق اوره تیمی اولان "دووشان امپراتورلوغو" و  "بارس" فیلمی 3 موکافاتا لاییق گؤرولوب.

یونتمنی (کارگردان) سیف الدین توکماک، یاپیمجیسی (تهیه کننده) زینپ کورای اولان "دووشان امپراتورلوغو" فیلمی مونتاژ مرحله‌سینده‌کی لاییحه‌لرین یاریشدیغی "ایش داوام ائدیر" کاتقوری سینده "بؤیوک موکافات" و "فولی موکافاتی"نی آلیب.

یونتمن اورچون کؤکسال، یاپیمجی سینان کئسووانین اولدوغو "بارس" فیلمی "گورسل دیزاین موکافاتی"نا لاییق گؤرولوب.

فستیوالین صنایع بؤلمه‌سی اولان "کؤرپوده گؤروش‌لر"ین فیلم اینکیشافی "کاتقوری سینده یاریشان 13 لاییحه‌دن بیری هر ایل اولدوغو کیمی بو ایل ده "ت.ر.ت خصوصی موکافاتی"نا لاییق گؤرولوب.

بو ایل آوریلین 14-16-دا کئچیریلن "کؤرپوده گؤروش‌لر"ین "فیلم اینکیشافی" کاتقوری سینده یونتمنی آلیجان دورباش، یاپیمجیسی ایپک اردن اولان "Lo-Fi"  لاییحه‌سی "ترت خصوصی موکافاتی"نی قازانیب.