ایراندان وانا گلن قوناقلارین ساییسی آرتیر
قوناقلار، گوندوزلر شهرین توریستیک یئرلرینی گزیر، آخشاملار ایسه آلیش وئریش ائدرک ایلهنجه مکانلاریندا واخت گئچیریرلر
یاز بایرامی تعطیلینی تورکیهده گئچیرمک ایستهیهن بیر چوخ ایرانلی وان شهرینی ترجیح ائتدی.
۱۳ گونلوک تعطیل اوچون تورکیهنی سئچهن توریستلر وانین سارای ائلچهسیندهکی کاپیکؤی سرحد قاپیسیندان قورو یولو ایله گلمهیه داوام ائدیر.
هتللرین دولو اولدوغو واندا ایرانلی قوناقلار گوندوزلر شهرین توریستیک یئرلرینی گزیر، آخشاملار ایسه آلیش وئریش ائدرک ایلهنجه مکانلاریندا واخت گئچیریرلر.
اساساً گئییم، بزهک، زینت اشیالاری و آیاققابی آلان توریستلر آیریجا بورون استتیک عملیاتی و ساچ اکیمی اوچون ده شهری ترجیح ائدیرلر.
توریستلرین قالما مدتینی اوزاتماق آماجی ایله وان والیلیگی و بؤیوکشهر بلدیهسینین اؤنچولوگونده، مدنی قورولوشلار تشکیلاتلاری و کسبهنین ده دستگی ایله هر ایل ۱۵-۲۹ مارس تاریخلرینده "وان آلیش وئریش فستیوالی" تشکیل ائدیلیر.
ایرانلیلار، دؤرد یانی ایشیقلارلا رنگلندیریلهن جادهلرده آلیش وئریش ائتمهنین کیفینی چیخاریر.
نوروز بایرامی تعطیلی اوچون ایندیه دک ۲۱ مینه یاخین ایرانلی توریست وانا گلدی.
قوناقلارین گلمهسینین بوندان سونرا دا داوام ائدجگی و آیین سونونا قدر بو رقمین ۷۰ مینه چاتاجاغی تخمین ائدیلیر.