نوبل اؤدول تؤرهنی بو ایل ده لغو ائدیلدی
هر ایل ۱۰ دسامبردا تشکیل ائدیلهن اؤدول تؤرهنی، تخمیناً ۶۰ ایلدیر ایلک دفعه گئچهن ایل کووید-۱۹ سالقینی سببیله لغو ائدیلمیشدی
نوبل اؤدوللری، یئنی نسیل کوروناویروس (کووید-۱۹) سالقینی سببی ایله بو ایل ده صاحبلرینه مراسیمله وئریلهبیلمهیهجک.
نوبل وقفی طرفیندن وئریلن آچیقلاماسیندا، نوبل اؤدوللرینین صاحبلرینین مداللارینی اؤز اؤلکهلرینده آلاجاقلاری بیلدیریلدی.
نوبل وقفی باشقانی لارس هیکنستن،
"هر کس کووید-۱۹ سالقینین بیتمهسینی ایستهیردی آنجاق هله بو نقطهده دئییلیک. نوبل اؤدولو آلانلار گئچهن ایل اولدوغو کیمی بو ایل ده اؤدوللرینی و مئداللارینی اؤز اؤلکهلرینده آلاجاقلار" ایفادهسینی ایشلتدی.
هر ایل ۱۰ دسامبردا تشکیل ائدیلهن اؤدول تؤرهنی، تخمیناً ۶۰ ایلدیر ایلک دفعه گئچهن ایل کووید-۱۹ سالقینی سببیله لغو ائدیلمیشدی. بو ایل ده لغو ائدیلهن اؤدول مراسیمی دیجیتال پلتفورمدا ائدیلهجک.
کووید-۱۹ سالقینیندان اؤنجه نوبل اؤدول مراسیمی ان سون ۱۹۵۶.جی ایلده سووئتلر بیرلیگینین ماجاریستانی ایشغالینه اعتراض مقصدیله لغو ائدیلمیشدی. مراسیم ۱.جی و ۲.جی دونیا ساواشلاری سیراسیندا دا تشکیل ائدیلمهمیشدی.
ایلگیلیلی خبرلر
برنارد هیل حیاتینی ایتیردی
اینگیلیس آکتورون اؤلوم خبرینین آردیندان سئوهنلری سوسیال مئدیادا کدرلرینی پایلاشدی