تورکیه‌ده موزه ساییسی ۴۹۴ اولدو
تورکییه استاتیستیک قورومو، ۲۰۲۰.جی ایل اوچون مد‌نی میراث رقملرینی آچیقلادی
تورکیه‌ده موزه ساییسی اؤتن ایل، ۲۰۱۹.جو ایله گؤره، یوزده ۵،۸ آرتاراق ۴۹۴ اولدو.
بو موزه‌لردن ۲۰۵ی مدنیت و توریزم باخانلیغینین، ۲۸۹و ایسه اؤزل موزه‌‌دیر.
تورکییه استاتیستیک قورومو (تویک) ۲۰۲۰.جی ایل اوچون "مد‌نی میراث رقملری"نی آچیقلادی.
بونا گؤره، مدنیت و توریزم باخانلیغینا باغلی موزه‌لرده گئچه‌ن ایل بیر اؤنجه‌کی ایله گؤره یوزده ۰،۵ آرتاراق ۳ میلیون ۲۷۸ مین ۱۱۴ اولاراق ثبت ائدیلدی.
سؤزوگئدن دؤنمده اؤزل موزه‌لرده‌کی اثرلرین ساییسی یوزده ۲ آرتاراق ۴۱۶ مین ۷۰۶یا چاتدی.
موزه‌لرین مسئولیتین‌ده اولان داشینماز مد‌نی وارلیقلارین ساییسی ۲۰۱۹.جو ایله نیسبتاً اؤتن ایل یوزده ۲،۶ آرتاراق ۱۱۶ مین ۱۲۰ اولدو. اؤته یاندان، میلی پارکلارین ساییسی ۲۰۲۰.جی ایلده بیر اؤنجه‌کی ایله گؤره یوزده ۲،۳، طبیعت پارکلارینین ساییسی یوزده ۱،۲ آرتدی.
عینی دؤنمده توپلام ملی پارک ساحه‌سی یوزده ۴،۵ آرتاراق ۹۰۷ مین ۵۲۰ هکتارا یوکسلدی.
اؤتن ایل طبیعت پارکی ساییسی ۲۵۰یه یوکسلیرکن، طبیعت پارکی ساحه‌سی ۱۰۷ مین ۶۳۲ هکتارا چیخدی.
طبیعتی قوروما ساحه‌سی ساییسی یوزده ۳،۳ آرتاراق ۳۱ اولدو.
ایلگیلی‌لی خبرلر
آنکارا-دا "روس موسیقی موزه‌سی" آچیلیب
پایتاخت آنکارادا تورکیه-روسیا دوستلوق ائوینده "روس موسیقی موزه سی" آچیلیب.
