آنتالیایا ۹ گونده یاریم میلیوندان چوخ خاریجی توریست گلدی
"توریزمین باشکندی" اولاراق تانیمانان آنتالیا، شهری ترجیح ائدن فرقلی اؤلکهلردن گلن قوناقلارا و تعطیلینی گئچردنلره خوش بیر استراحت فرصتی سونور
آنتالیایا ۹ گونده یاریم میلیوندان چوخ خاریجی توریست قوناق اولدو.
طبیعی گؤزللیکلری، دنیزی، تاریخی - مدنی قورولوشو و قوناق ائتدیگی توریست سایی باخیمیندان "توریزمین باشکندی" اولاراق تانیمانان آنتالیا، شهری ترجیح ائدن فرقلی اؤلکهلردن گلن قوناقلارا و تعطیلینی گئچردنلره خوش بیر استراحت فرصتی سونور.
دونیانین اؤنملی توریزم یئرلری آراسیندا یئر آلان آنتالیا، ساغلیقلی و گوونلی توریزم ایمکانلاری ایله ده ایلگی گؤرور.
بؤلگه مدنیت و توریزم مودورلوگونون معلوماتلارینا گؤره، ۱۷-۲۵ جولای تاریخلری آراسیندا ۹ گونلوک مدتده ۲۸۷۸ اوچاق آنتالیا و غازیپاشا هاوا لیمانلارینین اولوسلارآراسی ترمینالینا ائندی.
قوربان بایرامی سیراسیندا روسیادان ۲۰۰ مین ۳۵۶ توریست، آلمانیادان ۷۶ مین ۱۵۲ توریست، اوکراینادان ۶۸ مین ۶۶۳ توریست، لهستاندان ۲۸ مین ۸۹۸ توریست و قازاقیستاندان ۱۵ مین ۹۱۷ توریست اولماق اوزره مختلف اؤلکهلردن ۵۶۲ مین ۹۰۷ خارجی قوناق گلدی.