تورکیه‌نین اوشاق جمعیتی آچیقلاندی
تورکیه‌ده یئنی دوغولان کؤرپه‌لره قویولان ان یاییغین اوغلان و قیز آدلاری دا بللی اولدو
تورکیه‌نین اوشاق جمعیتی، گئچه‌ن ایل سونو اعتیبارییلا ۲۲ میلیون ۷۵۰ مین ۶۵۷ اولاراق معین ائدیلدی.
تورکیه ایستاتیستیک قورومو، ۲۰۲۰.جی ایله باغلی اوشاق ایستاتیستیکلرینی آچیقلادی.
آدرسه باغلی جمعیت ثبت سیستمی نتیجه‌لرینه گؤره، تورکیه‌نین توپلام اهالی‌سی گئچه‌ن ایل سونو اعتیبارییلا ۸۳ میلیون ۶۱۴ مین ۳۶۲ نفر ایکن، اوشاقلارین جمعیتی ۲۲ میلیون ۷۵۰ مین ۶۵۷ اولاراق ثبت ائدیلدی.
آوروپا بیرلیگی عضوو ۲۷ اؤلکه‌نین اوشاق جمعیت نیسبتلری آراشدیریلدیغین‌دا، ۲۰۲۰.جی ایلده اوشاق جمعیتی نیسبتینین آوروپا بیرلیگی اورتالاماسی یوزده ۱۸،۲ اولدو.
آوروپا بیرلیگی عضو اؤلکه‌لری ایچری‌سین‌ده ان چوخ اوشاق جمعیتی نیسبتینه صاحب اولان اؤلکه‌لر سیراسییلا، یوزده ۲۴،۲ ایله ایرلند، یوزده ۲۱،۶ ایله فرانسا و یوزده ۲۱،۱ ایله سوئد اولاراق قید ائدیلدی.
اوشاق جمعیتی نیسبتینین ان آشاغی اولدوغو اؤلکه‌لر ایسه سیراسییلا یوزده ۱۵،۸ ایله ایتالیا، یوزده ۱۵،۹ ایله مالت و یوزده ۱۶،۴ ایله آلمانیا اولدو.
تورکیه‌نین اوشاق جمعیتی نیسبتینین یوزده ۲۷،۲ ایله آوروپا بیرلیگی عضو اؤلکه‌لرین‌دن داها یوکسک اولدوغو گؤرولدو.
بو آرادا، تورکیه‌ده یئنی دوغولان کؤرپه‌لره قویولان ان یاییغین اوغلان آدلاری گئچه‌ن ایل یوسف، ائیمن و مصطفی، ان بگه‌نیلن قیز آدلاری زینب، عسل و الیف اولدو.
آیریجا، ۰-۱۷ یاش قروپون‌داکی اوشاقلاردا ان چوخ قویولان اوغلان آدلاری یوسف، مصطفی و دمیر، قیز آدلاری ایسه زینب، الیف و تولین اولدو.
