ی.ت.ب خاریجده یاشایان اوشاق‌لار اوچون "منیم بایرامیم" موسابیقه‌سی تشکیل ائدیب

تورکیه-‌نین خاریجده یاشایان تورک‌لر و اقربا ایجما‌لاری باش ایداره‌سی (ی.ت.ب) خاریجده یاشایان اوشاق‌لار اوچون "منیم بایرامیم" موسابیقه‌سی تشکیل ائدیب.

رمضان ایله 23  آوریل - میللی اگمنلیک و اوشاق بایرامی ایله علاقه‌دار اولان موسابیقه اوچون مراجعت‌لر 23 آوریله قدر داوام ائده‌جک.

ی.ت.ب ط​رفیندن ائدیلن یازیلی شرحه گؤره، ایداره‌نین اوشاق آکادمیسی پروقرامی چرچیوه‌سینده شعر، حکایه، رسم و دیجیتال رسم کاتقوری لرینده "منیم بایرامیم" باش‌لیغی ایله تشکیل ائدیله‌جک موسابیقه‌یه اؤلکه خاریجینده یاشایان 4-14 یاش آراسینداکی بوتون تورکیه وطنداش‌لاری، خاریجده یاشایان ایکی‌لی وطنداش‌لار و یا ماوی کارت صاحیبی بوتون اوشاق ‌لار مراجعت ائده بیلر.

موسابیقه‌ده "بایرام‌لار سنین اوچون نه دئمک‌دیر، هانسی حیس لری یاشاماغا وادار ائدیر، نه‌یی خاطیرلا‌دیر، بو ایکی بایرام شهرینیزدکی اوشاق‌لارین حیاتینی نئجه تأثیر ائدیر؟ سوال‌لارینا فرق‌لی کاتقوری لرده جاواب آختاریلا‌جاق.

بونا گؤره، هر بیر کاتقوریده مراجعت ائدن‌لرین گؤندردیگی یالنیز بیر موسابیقه ایشی قیمتلندیریله‌جک و موفق اولان نامیزدلر ی.ت.ب اوشاق آکادمیسی هدیه پاکتی ایله موکافاتلاندیریلا‌جاق.

یاریشمایا قاتیلماق ایسته‌ین‌لر 23 آوریل تاریخینه‌ده‌ک پروقرام حاقیندا اطراف‌لی معلومات الده ائتمک اوچون "http://cocukakademisi.ytb.gov.tr/benimbayramim" " آدرسیندن مراجعت ائده بیله‌جک‌لر.