کاپادوکیایا ایکی آیدا یوز مینه یاخین توریست قوناق اولدو
کاپادوکیا، پری پاجالاری و طبیعی قایا اولوشوملاری، قایالاردان اویما تاریخی کلیسه و صومعهلری، یئرآلتی یاشاییش یئرلری و ایستی هاوا بالونو تورو کیمی فعالیتلرله توریست چکمهیه داوام ائدیر
1599514
تورکیهنین طبیعت، تاریخ و مدنیت توریزمینین اؤنملی مرکزلریندن کاپادوکیا بؤلگهسینه، بو ایل ژانویه و فوریه آیلاریندا ۹۳ مین ۱۲۸ توریست قوناق اولدو.
کاپادوکیا، پری پاجالاری و طبیعی قایا اولوشوملاری، قایالاردان اویما تاریخی کلیسه و صومعهلری، یئرآلتی یاشاییش یئرلری و ایستی هاوا بالونو تورو باشدااولماقلا چئشیدلی فعالیتلرله یئرلی و خاریجی توریستلرین دقتینی چکمهیه داوام ائدیر.
نئوشهیر مدنیت و توریزم مودورلوگونون معلوماتلارینا گؤره، بؤلگهدهکی موزهلری و آرکئولوژیک ساحهلرینی ژانویه آییندا ۴۲ مین ۵۶۰، فوریه آییندا ۵۰ مین ۵۶۸ توریست گزدی.
کاپادوکیادا بو ایلین ژانویه و فوریه آیلاریندا ان چوخ ۳۰ مین ۷۸۶ نفرله گؤرهمه آچیق هاوا موزهسی گزیلدی.
توریست زلوه تاریخی یئرینی ۲۵ مین ۹۷۵، قایماقلی یئرآلتی شهرینی ایسه ۱۸ مین ۲۸۹ توریست گزدی.