تورکیه بورس‌لاری پروقرامینا مراجعت باشا چاتدی

ی.ت.ب-نین معلوماتینا گؤره، تورکیه بورس لاری مراجعت مدتی 10 ژانویه‌ده باشلادی، 20 فوریه‌ده سونا چاتدی.

1591482
تورکیه بورس‌لاری پروقرامینا مراجعت باشا چاتدی

تورکیه-‌نین خاریجده یاشایان تورک‌لر و اقربا ایجما‌لاری (ی.ت.ب) باش ایداره‌سی‌نین دونیانین دؤرد بیر یانیندان گلن اؤیرنجی لره تورکیه-‌ده یوکسک تحصیل ایمکان‌لاری تقدیم ائدن "تورکیه بورس‌لاری" پروقرامی‌نین 2021-جی ایل مراجعت‌لرینه اولوسلار آراسی اؤیرنجی لر بؤیوک ماراق گؤستردیلر.

ی.ت.ب-نین معلوماتینا گؤره، تورکیه بورس لاری مراجعت مدتی 10 ژانویه‌ده باشلادی، 20 فوریه‌ده سونا چاتدی.

دونیانین 178 اؤلکه‌سیندن 165 مین 511-ی خاریجی اؤیرنجی بو ایل تورکیه-‌ده لیسانس، یوکسک لیسانس و دوکتورا سویه‌لرینده تحصیل آلماق اوچون مراجعت ائتدی.

آکادمیسینلر و ی.ت.ب متخصص‌لرینین آپاراجاغی موصاحیبه‌لر نتیجه‌سینده اوغورلو اولان نامیزدلری تورکیه-‌ده‌‌کی بیلیم یورد لاریندا تحصیل آلماق حقوقو قازانا‌جاق‌لار.

تورکیه بورس لارینا 2021-جی ایل اوچون مراجعت‌لرین تاماملاندیغینا دایر سوسیال مئدیا حسابیندان پای‌لاشیم ائدن ی.ت.ب-نین رهبری عبدالله ارن 5 دیلده "دونیانین ان احاته‌لی بورس پروقرامی اولان و اولوسلار آراسی اؤِیرنجی لره تورکیه-‌ده عالی تحصیل ایمکانی تقدیم ائدن "تورکیه بورس‌لاری"نا مراجعت‌لر سونا چاتدی" دئییب.

بورس پروقرامی اوچون دونیانین دؤرد بیر یانین‌دان گؤستریلن بؤیوک ماراق و رکورد مراجعته دقت چکن عبدالله ارن "بو ایل ده 178 اؤلکه‌دن 165 میندن آرتیق مراجعت قبول ائدن تورکیه بورس لارینا ماراق گؤسترن هر کسه تشککور ائدیریک" ایفاده‌سینی ایشله‌دیب.



ایلگیلی‌لی خبرلر