یاشار کمالین "اینجه ممد" آدلی رومانینین بوتون دونیادا تانیندیغینی بیلیردینیز می؟

سئچدیگی بو چتین، اما شرف‌لی حیات یولون‌دا اینجه ممدین باشینا گلن حادثه‌لر یاشار کمالین قلمی ایله ساده دیل‌ده، کلاسیک رومان اوسلوبون‌دا اوخوجولارا سونولموشدور

1590067
یاشار کمالین "اینجه ممد" آدلی رومانینین بوتون دونیادا تانیندیغینی بیلیردینیز می؟


"اینجه ممد" مشهور تورک یازاری یاشار کمالین ایلک رومانی‌دیر. ۱۹۵۵ده یاییملانان و ماراقلا اوخونان بو اثر یازارین اؤز سؤزو ایله دئسک، «مجبور آدام»ین رومانی‌دیر. 
تورکیه جمهوریتی دؤنه‌مینین ایلک ایللرین‌دن بحث ائد‌ن اثرین اساس قهرمانی حاقسیزلیغا قارشی مباریزه‌نی اینسان‌لیق بورجو بیله‌ن اینجه ممددیر. سئچدیگی بو چتین، اما شرف‌لی حیات یولون‌دا اینجه ممدین باشینا گلن حادثه‌لر یاشار کمالین قلمی ایله ساده دیل‌ده، کلاسیک رومان اوسلوبون‌دا اوخوجولارا سونولموشدور. ۴۰دان چوخ دیله چئوریله‌ن رومان، تورک خالقینین آدینی افسانه‌لشدیردیگی اینجه ممدی دونیا اوخوجولارینا دا تانیتمیشدیر.
"اینجه ممد" ۱۹۸۴ده اینگیلیس آکتور و یازار پتر اوستینوو طرفین‌دن "شاهینیم ممد" آدییلا سینمایا اویغونلاشدیریلدی. سناریوسونو دا یئنه اؤزونون یازدیغی فیلم‌ده یؤنتمن اوستینوو عینی زامان‌دا عبدی آغا رولونو اوینادی. یونان بسته‌کاری مانوس حاجیداکیسین موسیقی‌سینی سسلندیردیگی فیلمین باشقا بیر آدی ایسه "آرسلان و شاهین"دیر.



ایلگیلی‌لی خبرلر