ی.ت.ب اینسان حقوق‌لاری ایله علاقه‌لی آنلاین تحصیل پروقرامی تقدیم ائده‌جک
ی.ت.ب-نین وئردیگی آچیقلامادا پروقرامین 29-31 مارس تاریخ‌لرینده کئچیریله‌جگینی بیلدیریب.
خاریجده یاشایان تورک‌لر و اقربا ایجما‌لاری باش ایداره‌سی (ی.ت.ب) اؤلکه خاریجیندکی تورکیه وطنداش‌لاری و خاریجدکی ماوی کارت (تورکیه-ده دوغولموش، آنجاق سونرا‌دان وطنداش‌لیق‌دان آیریلمیش اولان‌لارا وئریلن کارت) صاحیبی طلبه‌لر اوچون آنلاین "اینسان حقوق‌لاری اونلاین تحصیل پروقرامی" تشکیل ائده‌جک.
ی.ت.ب-نین وئردیگی آچیقلامادا 29-31 مارس تاریخ‌لرینده کئچیریله‌جک پروقرام سایه‌سینده خاریجده یاشایان گنج‌لره اینسان حقوق‌لاری، آیری-سئچکی‌لیک، نیفرت جینایت‌لری، آوروپا اینسان حاق‌لاری محکمه‌سی و علاقه‌دار تشکیلات‌لارین قورولوشو و ایشلمه‌سی کیمی مؤوضوع لاردا نظری تعلیم وئریله‌جگی بیلدیریلیب.
آچیقلامادا تورکجه وئریله‌جک تعلیم پروقرامیندا خاریجده یاشایان 30 یاش‌دان کیچیک و یا ماوی کارت صاحیب‌لری اجتماعی علم‌لرده تحصیل آلان 3 و 4-جو صینیف لیسانس طلبه‌لری و اجتماعی علم‌لرده تحصیل آلان یوکسک لیسانس طلبه‌لری تورک دیلینده حیاتا کئچیریله‌جک تحصیل پروقرامینا مراجعت ائده بیله‌جگی قئید ائدیلیب.
پروقرام اوچون سون مراجعت تاریخی‌نین 14 مارس اولدوغو بیلدیریلیب.
