آنتالیادا ۹۰ اؤلکه‌دن اینسان یاشاییر
دونیانین ان اؤنملی توریزم بؤلگه‌لری آراسین‌دا اولان آنتالیا، یاشاماق اوچون تورکیه‌نی سئچه‌ن خارجیلرین آدرسی اولدو
ائو صاحب‌لیگی ائتدیگی توریست ساییسینا گؤره "توریزمین باشکندی" اولاراق آدلاندیریلان آنتالیادا ۹۰ اؤلکه‌دن اینسان یاشاییر.
گونش، چیمرلیکلر، طبیعی گؤزل‌لیکلری، تاریخی و مد‌نی توخوسو ایله دونیانین ان اؤنملی توریزم بؤلگه‌لری آراسین‌دا اولان آنتالیا، یاشاماق اوچون تورکیه‌نی سئچه‌ن خارجیلرین آدرسی اولدو.
تخمیناً ۹۰ اؤلکه‌دن اینسانین یاشادیغی آنتالیادا یاشایان اجنبیلرین ساییسی ۹۴ مین ۲۹۴ اولاراق معین ائدیلدی.
شهرده‌کی خاریجی اویروقلو اهالی‌نین ان چوخ اولدوغو اؤلکه‌لرین باشیندا ایسه روسیا گلیر. تعطیل اوچون تورکیه و آنتالیانی ترجیح ائد‌ن روسلار، یئرلشمک اوچون ده بو شهری سئچیر.
آنتالیانی ایکینجی ائولری کیمی گؤره‌ن ۱۸ مین ۹۰۵ روس بورادا یاشاییر.
روسلاری، ۱۱ مین ۵۳۷ نفر ایله قازاقیستان ایزله‌ییر. ۹۶۱۵ نفرله آلمانلار اوچونجو، ایران‌لیلار ۶۷۰۳ نفرله دؤردونجو، عراق‌لیلار ۶۲۰۱ نفرله بئشینجی یئرده‌دیر.
آنتالیانین ۱۹ ائلچه‌سنین هامی‌سین‌دا یئرلشمیش یابانجیلار وار، ۹۴ مین ۲۹۴ خارجینین تخمیناً ۳۰ مینی آلانیادا یاشاییر.
خارجیلره داشینماز املاک ساتیشینا گؤره، آنتالیا ایستانبول‌دان سونرا ایکینجی شهردیر.
