پاموق‌قالایا توریست آخدی

دونیادا مشهور پاموق‌قالانی ژانویه-نوامبر دؤورون‌ده ۲ میلیون ۴۹۶ مین ۶۵۲ یئرلی و خاریجی توریست گزدی.

تراورتنلری، شفالی ایستی سویو و آنتیک شهرلریله ایلین هر مؤوسومون‌ده ماراق گؤره‌ن پاموق‌قالا، ۲۰۱۹ ایلینی دا یاخشی بیر شکیلده گئریده قویور.

دونیانین دؤرد بیر یانین‌دان گلن خاریجیلره تعطیلی فورصت بیله‌ن یئرلی توریستلر ده علاوه اولونونجا، زامان زامان بؤلگه‌ده آددیم آتاجاق یئر قالمادی.

تاریخی و مد‌نی قالینتیلارییلا توریستلری گئچمیشی ۲ مین ایل اؤنجه‌سینه دایانان اویقارلیغین ایزلرینه آپاران پاموق‌قالا، بو ایل قوناق باخیمین‌دان قیزیل ایللرین‌دن بیرینی یاشادی.

قوناقلار آغ تراورتنلرده یئریدی، ترمال سولارا گیره‌رک شفا آختاردی، ایستی هاوا بالونو و چتر تورلاری سایه‌سین‌ده بؤلگه‌نین بنزرسیز گؤزل‌لیکلرینی هاوادان گؤرمه شانسینی یاخالادی.

بیر چوخ توریست کلئوپاترا حوووضو اولاراق دا بیلینه‌ن آنتیک حوووضدا کیف دولو زامان گئچیردی.

تورکییه‌نین گؤزده توریزم مرکزلرین‌دن پاموق‌قالادا بو ایلین ۱۱ آیلیق دؤورون‌ده ۱۵۶ مین ۱۲۳ توریست ایستی هاوا بالونو تورونا قاتیلدی. 

 پاموق‌قالایا بو ایل ژانویه آیین‌دا ۶۰ مین ۱۵۲، فوریه‌ده ۷۲ مین ۵۵، مارس‌دا ۱۳۷ مین ۵۶۶، آوریل‌ده ۱۵۰ ​​مین ۱۱۳، می آیین‌دا ۲۳۷ مین ۱۲۱، ژوئنده ۳۰۰ مین ۱۴،جولای‌دا ۳۷۰ مین ۲۶، آگوست‌دا ۴۰۵ مین ۲۰، سپتامبردا ۳۴۰ مین ۵۸۷ و نوامبردا ۱۳۹ مین ۵۰۰ توریست گلدی. بئله‌جه ایلین ۱۱ آیلیق دیلیمینده‌کی قوناق ساییسی ۲ میلیون ۴۹۶ مین ۶۵۲یه چاتدی.