تورکییهدن نوبل ادبیات اؤدولو اعتراضی
"نوبلپرایز ویجدانی اولمایان بیرینه نئجه اؤدول وئرهبیلر؟"
پرزیدنت سؤزچوسو ابراهیم قالین، نوبل ادبیات اؤدولونون سربرنیتسا سویقیریمینی دانان و صرب ساواش سوچلولارینی ساوونان اتریشلی یازار پیتر هاندکهیه وئریلمهسی قرارینین گئری چکیلمهسی چاغریسی ائتدی.
قالین، تویتر حسابیندان ائتدیگی پایلاشیمدا، ۲۰۱۹ نوبل ادبیات اؤدولونون، اسکی صرب لیدئر سلوبودان میلوسئویچی دستکلهیهن و بوسنی سویقیریمینی اینکار ائدن پیتر هاندکهیه بازار ارتهسی گونو وئریلهجگینی خاطیرلاتدی.
قالین،بو عاغیل دیشی و اوتانج وئریجی قراردان گئری دؤنولمهلیدیر. نوبلپرایز ویجدانی اولمایان بیرینه نئجه اؤدول وئرهبیلر؟ یئنی سویقیریملارا تشویق ائتمک اوچون مو؟ ایفادهلرینی ایشلتدی.
بو آرادا، پیتر هاندکه، سربرنیتسا سویقیریمی ایله ایلگیلی سوال سوروشان ژورنالیستلری آشاغیلایاراق، سویقیریمی بیر دفعه داها داندی. هاندکه، نوبل ادبیات اؤدولونو آلماق اوزره گئتدیگی سوئدین باشکندی استکهلمدا کرالیت آکادمیسینده مطبوعات منسوبلارینین سواللارینی جاوابلارکن، سربرنیتسادا یاشانان سویقیریمی اینکار ائتدیگی و صرب ساواش سوچلولارینی ساووندوغو یولونداکی سواللارا سینیرلهنهرک،
"بوش سواللارینیز اوچون توالت کاغیذینی ترجیح ائدرم" ایفادهسینی ایشلتدی.
سوئد دؤولت تلویزیونو استیوییه ده مصاحیبه وئرهن هاندکه، سریرنیتسادا اولان سویقیریم اوچون "قارداش جینایتی" ایفادهسینی ایشلتمهیی ترجیح ائتدی.
نوبل ادبیات اؤدولونون هاندکهیه وئریلمهسینه داها اول ده بوسنی و هرزگوین و کوسووودان تپکیلر گلمیشدی.
ایلگیلیلی خبرلر
آنکارا-دا "روس موسیقی موزهسی" آچیلیب
پایتاخت آنکارادا تورکیه-روسیا دوستلوق ائوینده "روس موسیقی موزه سی" آچیلیب.