کاپادوکیادا رکوردا دوغرو
کاپادوکیاداکی موزه و آرکئولوژیک یئرلری بو ایلین ژانویه-آگوست آیلاریندا ۲ میلیون ۵۲۲ مین ۳۷۸ توریست گزدی
تورکییهنین اؤنملی توریزم مرکزلریندن کاپادوکیاداکی موزه و آرکئولوژیک یئرلری بو ایلین ژانویه-آگوست آیلاریندا ۲ میلیون ۵۲۲ مین ۳۷۸ توریست گزدی.
پریباجالاری، طبیعی قایا اولوشوملاری ایله وادیلری، یئر آلتی یاشاییش یئرلری، تاریخی صومعهلری، ماغارا هتللری، ایستی هاوا بالن اوچوشو و مختلیف فعالیتلری ایله توریستلرین ماراغینی چئکن کاپادوکیانی، ایلین ۸ آیلیق دؤورونده گزن توریستلرین ساییسی، ۲۰۱۸ ایلینه اورنلا یوزده ۲۸، ۲۰۱۷یه قیاسلا یوزده ۷۲، ۲۰۱۶یا اورنلادا دا یوزده ۱۳۹ دولاییندا آرتاراق ۲ میلیون ۵۲۲ مین ۳۷۸ اولدو.
دونیانین دؤرد بیر طرفیندن گلنلری طبیعی، مدنی و تاریخی زنگینلیکلری ایله قارشیلایان بؤلگهدهکی موزه و اؤرهن یئرلرینی گزن توریست ساییسیندا، سون بئش ایلین ان یوکسک رقملر الده ائدیلدی. کاپادوکیانی ۲۰۱۵.جی ایلین ایلک ۸ آی بویونجا ۱ میلیون ۸۹۴ مین ۸۶، ۲۰۱۶دا ۱ میلیون ۵۷ مین ۳۹۵، ۲۰۱۷ده ۱ میلیون ۴۶۷ مین ۶۸۲، اؤتن ایل ایسه ۱ میلیون ۹۵۸ مین ۷۶۴ توریست گزمیشدی.
بو ایلین ژانویه-آگوست آیلاریندا، موزه و آرکئولوژیک یئرلره ان چوخ ایلگی ۵۶۶ مین ۳۳ قوناق ایله آوگوست آییندا یاشانیرکن، ۸ آیلیق پروسهده ان چوخ گزی ۹۳۳ مین ۴۹۵ توریست ایله گؤرهمه آچیق هاوا موزئهسینه ائدیلدی.