اتیوپی ۲۰۱۲یه گیردی
اؤزونه اؤزگو تقویم و ساعات سیستمی اولان اتیوپی، بوگون ۲۰۱۲یه گیردی
آفریقانین قدیم مدنیتلرین‌دن بیری اولان و بوتون دونیادان فرق‌لی اؤزونه اؤزگو تقویم و ساعات سیستمی اولان اتیوپی، بوگون ۲۰۱۲یه گیردی.
"ائنکوتاتاش" اولاراق آدلاندیریلان ایلین ایلک گونو بوتون اؤلکهده تعطیل اعلان ائدیلرکن، گله‌نک حالینی آلان "یئنی ایل عفوین‌دن" اؤلکهده بو ایل تخمیناً ۸ مین محکوم حبسدن چیخدی.
یئنی ایلله یاغیش مؤوسومونون سونا چاتماسی و بیچین دؤورونون باشی اولاراق دا قبول ائدیلن ائنکوتاتاش، اتیوپی تقویمینین ایلک آیی اولان مسکرم‌ین بیرینجی گونو.
"آدی آبابا" آدی وئریله‌ن ساری قیزچیچه‌گی‌نین(چوبان یاسدیغی) بو دؤورده بیچیلمه‌سی سببی ایله یئنی ایلله باغلاشان چیچک، بوتون اؤلکهده قوتلامالارین آنا سمبوللارین‌دان بیری.
گونش اساس‌لی بیر تقویم اولان اتیوپی تقویمی، اتیوپی و اریتره خریستیانلاری اوچون دینی بیر تقویم اولماسییلا یاناشی، اتیوپی دؤولتی طرفیندن بوتون رسمی ایشلرده ایستیفاده ائدیلیر.
میلادی تقویم‌ده‌کی تاریخ ایرلیله‌ییشینی تخمیناً ۷ ایل ۸ آی گئری‌دن تعقیب ائد‌ن اتیوپی تقویمی، مصرده‌کی قبطی خریستیانلارین ایستیفاده ائتدیگی تقویمله بنزرلیک گؤستریر.
اتیوپی تقویمین‌ده ده عینی شکیلده قبطی تقوی‌ی کیمی ۳۰ گون‌دن عبارت ۱۲ آی ایله ۵ و یا ۶ آرتیق گونو احتیوا ائد‌ن ۱۳.جو آی وار.
اتیوپی تقویمینین میلاد اولاراق دیگر تقویملردن فرق‌لی‌لیک گؤسترمه‌سینین سببی ایسه حضرت عیسی‌نین مۆژده‌لنمه‌سی و دوغومونون فرق‌لی حسابلانماسی.
اؤزونه اؤزگو تقویم ایله یاناشی، فرق‌لی ساعات سیستمی ده ایستیفاده ائد‌ن اتیوپی خالقی اوچون گون ساعات ۰۰.۰۰دا دئییل ساعات ۰۶.۰۰دا باشلاییر.
گون، ۱۲ ساعات‌لیق ایکی فرق‌لی بؤلومدن اولوشور. ۱۲ ساعات‌لیق ایلک ساعات دیلیمی ساعات ۰۶.۰۰دا، ایکینجی دیلیم ایسه ساعات ۱۸.۰۰ده باشلاییر.
ایلگیلی‌لی خبرلر
آنکارا-دا "روس موسیقی موزه‌سی" آچیلیب
پایتاخت آنکارادا تورکیه-روسیا دوستلوق ائوینده "روس موسیقی موزه سی" آچیلیب.
