کاپادوکیادا فستیوال
پریباجالارینین چوخ اولدوغو پاشاباغی بؤلگهسینه گتیریلهن بالنلار رنگلی گؤرونتولر یاراتدی
تورکییهنین اؤنملی توریزم مرکزلریندن کاپادوکیا بؤلگهسینده گئچیریلهن "اولوسلارآراسی کاپادوکیا بالن فستیوالی"ندا چئشیدلی فیگورلاردا ایستی هاوا بالونلاری، پریباجالاری و طبیعی قایا اولوشوملاری آراسیندا اوچدو.
نئوشهیر اۆرگوپ بلدیهسینین ائو صاحبلیگی ایله گئچیریلهن فستیوالین ایکینجی گونونده، پریباجالارینین چوخ اولدوغو پاشاباغی بؤلگهسینه گتیریلهن بالنلار رنگلی گؤرونتولر یاراتدی.
یئرلی و خاریجی توریستلرین بؤیوک ماراق گؤستردیگی فستیوالدا، میگو، سیچان، آری، روبات، اینک و بنزر فیگورلاردا ایستی هاوا بالنلاری آرد آردا گؤیه یوکسلدی.
تخمیناً ۴۵ دقیقه بویونجا کاپادوکیا گؤیلرینده سوزولهن بالنلار داها سونرا گؤرهمه ناحیهسی یاخینلارینا ائندی.
فستیوالا قاتیلان بلژیکلی بالن پیلوتو گیرت وان وولولیر، بؤلگهدهکی بیر فیرمادا چالیشدیغینی، فستیوال دولاییسیلا اؤلکهسیندهکی بالنونو گتیرهرک فستیوالا قاتیلدیغینی بیلدیردی.
فستیوالین کاپادوکیانین گؤرسل گؤزللیکلرینه رنگ قاتدیغینی قید ائدن وولولیر، گلهجک ایللرده ده بنزر تدبیرلرین گئچیریلمهسینین توریزم باخیمیندان فایدالی اولاجاغینا ایناندیغینی دئدی.
وولولیر، "گولهن بیر میگو تاساریملی بالونوموز وار. اوشاقلارین اؤللیکله چوخ دقتینی چکیر. بورادا اونسوز دا هر گون ۱۵۰ بالن قالخیر، یعنی هر گون فستیوال وار. اما بو تدبیر سایهسینده ماراقلی شکیلدهکی بالونلارلا اوچور. توریستلر ده چوخ ماراق گؤستر" دئدی.
مختلیف اؤلکهلردن فیگورلو بالنلارین ایشتیراکی ایله گئچیریلهن فستیوال، اورگوپده کونسرت و ایستی هاوا بالنلارینین ایشیق گؤستریسی ایله داوام ائتدی.