تارکان کنسرت وئرجک
"اؤلکه‌میزی تانیتما، تورک آلقیسینا مثبت قاتقی وئرمه دوشونجه‌سی ایله روسیادا تارکان کونسرتی تشکیل ائتدیک"
تورک پاپ موسیقی مغنی‌سی تارکان، "تورکیه-روسیا قارشی‌لیق‌لی مدنیت و توریزم ایلی" چرچیوهسینده گلن آی باشکند موسکوا و قازان‌دا کونسرتلر وئره‌جک.
تشکیلات‌چی صلاح‌الدین آتالای، وئردیگی آچیقلامادا، تارکان ایله اؤتن ایل روسیا کونسرتلری قونوسون‌دا گؤروشمه‌یه باشلادیقلارینی بیلدیردی.
گؤروشمه‌لرده باشکند موسکوا و قازان‌دا تارکانین کونسرت وئرمه‌سی یولوندا قرار آلدیقلارینی ایفاده ائد‌ن آتالای، کونسرت اوچون موسکوادان سونرا قازانی ترجیح ائتمه‌لرینین اؤزل اؤنمی اولدوغونو دیله گتیردی.
روسیا فدراسیونونا باغلی تاتاریستان جمهوریتینی اورتاق مد‌نی باغلار ندنی ایله ده میلت اولاراق چوخ اؤنمسه‌دیکلرینی وورغولایان آتالای، تورکلرین قازان‌دا یالنیز تیجارت ائتمه‌دیگینی، شهرین اجتماعی، مد‌نی قورولوشونا دا تورک صنعتچیسی ایله دستک اولابیله‌جگینی گؤسترمک ایسته‌دیکلرینی بیلدیردی.
آتالای،
"تورک و روس اینسانینی عینی چاتی آلتین‌دا قایناشدیرما، اؤلکه‌میزی تانیتما، دوستلوق و مدنیت کؤرپوسو یاراتما، تورک آلقیسینا مثبت قاتقی وئرمه دوشونجه‌سی ایله روسیادا تارکان کونسرتی تشکیل ائتدیک" ایفاده‌لرینی ایشلتدی.
تورکیه‌نین موسکواداکی ائلچیسی محمد سامسارین، تورکیه پرزیدنتی رجب طیب اردوغان و روسیا پرزیدنتی ولادیمیر پوتینین بو ایل قارشی‌لیق‌لی مدنیت و توریزم ایلی اعلان ائتمه‌سی موناسیبتی ایله تارکانین وئرجگی کونسرتلری بو تدبیر ایچری‌سینه آلما تکلیفی ائتدیگینی بیلدیره‌ن آتالای، اؤزلرینین ده بو تکلیفه مثبت جاواب وئردیکلرینی و کونسرتلری بو تدبیر چرچیوهسینده اعلان ائتدیکلرینی دئدی.
تارکانین ۱۱ می‌ده قازان‌دا تات‌نفت آرئنادا، ۱۴ می‌ده موسکوادا کروکوس سیتی هال‌دا کونسرت وئرجگینی بیلدیره‌ن آتالای، بیلت ساتیشلارینین داوام ائتدیگینی و بو آنا قدر یوزده ۷۰ دولولوق اولدوغونو دیله گتیردی.
