تورک صنعتچی لری وین-ده کنسرت وئردی

اطریش-ین پایتاختی وین-ده تورک اودا اورکستری ساز ویرتووزو احمد کوچ ایله بیرگه سسلندیردیگی اثرلر دعوت‌لیلرین رغبتینی قازاندی.

جمهور باشقانلیغی‌نین حمایه‌سینده، مدنیت و توریزم ناظیرلیگی و یونوس امره انستیتوسونون (YEE) امکداش‌لیغی ایله تورک اودا اورکستری "کؤرپو و او یانا" آدلی کنسرتینی وین-ده کئچیردی.

یونوس امره انستیتوسونون وین شعبه‌سی‌نین مودیری عایشه یورولمازین ائو صاحیبلیگینده کئچیریلن کنسرت پروقرامیندا تورکیه‌نین وین سفیری اومیت یاردیملا یاناشی خیلی سایدا تورک و خاریجی دعوت‌لی ایشتیراک ائتدی.

اورکسترا ساز صنعتچی‌سی احمد کوچون موشاییت ائتدیگی کنسرتده موزات، دمیتری شوستاویچ، آشیق وئیسل، آشیق ماهسونی شریف و کریس رئا کیمی صنعتچی لرین اثرلری سسلندیریلدی.

کنسرتده اوپرا صنعتچی سی خاقان آیسئو "Laçin, Belle"  و گنج صنعتچی ژانت شاهین ایسه "منه سنی گرک سنی" آدلی اثری اوخودو.

صنعتچی احمد کوچ وئردیگی آچیقلامادا "کؤرپو و او یانا" آدلی لاییحه‌نین تورک مدنیتی و بیر تورک موسیقی چالغی‌سی اولان سازی خاریجی دینلییجی‌لره تانیش ائتمک مقصدیله حیاتا کئچیریلن بیر تدبیر اولدوغونو سؤیله‌ییب.