39-جو ت.ر.ت اولوسلار آراسی 23 نیسان اوشاق شن‌لیگی باشلادی

نئوشهیر والی‌سی آکتاش و بلدیه صدری اونور تورکیه رادیو تلویزیون قورومونون (ت.ر.ت) بو ایل "اوشاق‌لار گلجییمیزدیر" باش‌لیغی آلتیندا تشکیل ائتدیگی شن‌لیک چرچیوه‌سینده دونیا اوشاق‌لارینی قبول ائتدی‌لر.

نوشهیرده 26  اؤلکه‌نین قاتیلیمی ایله کئچیریلن "39-جو ت.ر.ت اولوسلار آراسی 23 نیسان اوشاق شن‌لیگی" چرچیوه‌سینده یوروش تشکیل ائدیلدی.

تورکیه‌دن و خاریجی اؤلکه‌لردن گلن یوزلرله اوشاق میللی لباس لاری ایله و ال لرینده اؤلکه‌لرینه عاید بایراق‌لارلا یوروشه قاتیلدی‌لار.

مئهتر قروپونون مارش‌لاری ایله باشلایان یوروش دیریلیش مئیدانینا قدر داوام ائتدی.

اؤلکه‌لرین‌دن گتیردیک‌لری هدیه‌لری آکتاش و اونور-ه تقدیم ائدن قوناق اوشاق‌لارا دا بؤلگه‌یه عاید هدیه لر وئریلدی.

تورکیه جمهوریتی‌نین قوروجوسو مصطفی کمال آتاتورک-ون تورکیه بؤیوک میللت مجلیسی‌‌سی‌نین آچیلماسی ایله برابر تورک اوشاق‌لارینا هدیه ائتدیگی "23 نیسان میللی اگمنلیک و اوشاق بایرامی" 39 ایلدیر ت.ر.ت-نین تشکیلاتچی‌لیغی ایله "ت.ر.ت اولوسلار آراسی 23 نیسان اوشاق شن‌لیگی" آدی آلتیندا اولوسلار آراسی سویه‌ده قئید اولونور.

الوسلار آراسی سویه‌ده کئچیریلن ایلک و یگانه اوشاق بایرامی اوشاق‌لار آراسیندا قارداش‌لیق، سئوگی و دوستلوق علاقه‌لرینی اینکیشاف ائتدیره‌رک، باریش ایچینده یاشایا‌جاق‌لاری بیر دونیانین برقرار اولماسینا تحفه وئرمک مقصدی داشیییر.