تۆرک اؤیرتمن دونیانین ان یاخشیلاری آراسیندا
"بو باشاریمی اؤلکه‌م باش‌دا اولماق اوزره بوتون دونیا قادینلارینا آرماغان ائدیره‌م"
سامسون کوُم‌کؤی ایلک اوخولونداکی پروژه‌لری ایله ۲۰۱۴ده وارکی گمس وقفی طرفیندن دونیانین ان یاخشی ۵۰ اؤیرتمنی آراسینا سئچیله‌ن دیلک لیوان‌ائلی، اینگیلتره‌ده‌کی شی اینسپیرس وقفی طرفیندن تشکیل ائدیله‌ن "شی اینسپیرس آووردس ۲۰۲۴" یاریشماسیندا حیات بویو باشاری اؤدولونه نامیزد گؤستریلدی.
دیلک لیوان‌ائلی، آوروپادا یاشایان تۆرک اوشاقلاری اوچون حاضیرلادیغی تۆرکجه آنا دیل تحصیل پروگرامی پروژه‌سی چرچیوه‌سینده بیرلشمیش میللتلر تحصیل، بیلیم و مدنیت تشکیلاتینا (یونسکو) باغلی اینترنشنیل سکول آف لوندوندا اؤیرتمنلیک ایشینه داوام ائدیر.
"شی اینسپیرس آووردس ۲۰۲۴" یاریشماسیندا حیات بویو باشاری اؤدولونه نامیزد گؤستریلمه‌سینی دگرله‌ندیره‌ن لیوان‌ائلی، بوندان غرور دویدوغونو ایفاده ائتدی.
باشاریسینی قادینلارا آرماغان ائتدیگینی وورغولایان لیوان‌ائلی، بونلاری دیله گتیردی:
"ایندیکی زاماندا گؤزل خبرلره، اومود وئره‌ن حکایه‌لره احتیاجیمیز وار، بو باشاریمی اؤلکه‌م باش‌دا اولماق اوزره بوتون دونیا قادینلارینا آرماغان ائدیره‌م. هر قادینین اؤز حیاتینین قهر‌مانی اولدوغونا اینانیرام. هر کسین ایمکانسیز دئدیگی بیر اورتامدا بیر ایشیق ساچماق، بیر دییشیم، دؤنوشوم سۆره‌جی باشلاتماق اوچون قوللاری سووامیشدیم. خیاللاریمین آرخاسیندان گئتدیم. کند اوخولو اؤیرتمنلیگیندن کۆره‌سل اؤیرتمنلیگه گئدن حکایه‌مین دونیا اؤلچه‌گینده ایلهام وئریجی اولماسی بؤیوک بیر غروردور. اولوسلارآراسی صحنه‌لرده اؤلکه‌می بیر تۆرک قادینی اولاراق تمثیل ائتمه‌یه بوتون چاباملا داوام ائد‌جه‌یه‌م".
