هفتهنین آنالیزی- 09
سیاسی، ایقتیصادی و اجتماعی آراشدیرما وقفینین (ستا) آراشدیرماچی یازاری جان آجونون "ادلیب-ده تورکیه-نین رژیمه وئردیگی مدت باشا چاتارکن" باشلیقلی یازیسی.(هفتهنین آنالیزی)
سیاسی، ایقتیصادی و اجتماعی آراشدیرما وقفینین (ستا) آراشدیرماچی یازاری جان آجونون "ادلیب-ده تورکیه-نین رژیمه وئردیگی مدت باشا چاتارکن" باشلیقلی یازیسی.
ادلیب-دکی اینسانی بحران درینلشهرک داوام ائدیر. سادهجه سون آیلاردا ائولریندن دیدرگین ائدیلنلرین سایی بیر میلیونو کئچیب. رژیم و شیعه میلیسلر قورودان، روسیا ایسه هاوادان هوجوملارینی داوام ائتدیریرلر. سادهجه موخالیف حربی عنصورلار دئییل، دینج وطنداشلار و یاشاییش منطقهلری ده بیلهرکدن هدف آلینیر. تورکیه ایسه ادلیب-دکی اینسانی بحرانین قارشیسینی آلا بیلمک اوچون سیاسی و حربی آددیملار آتماقدا داوام ائدیر. جمهور باشقانی اردوغانین اسد رژیمینه وئردیگی مودتین باشا چاتماغینا آز غالیب. تورکیه روسیا ایله دانیشیقلارینی داوام ائتدیرهرک بحرانا سیاسی حل یولو تاپماق جهدلرینی داوام ائتدیررکن، واجیب اولان حربی آددیملاری آتماقدا دا قرارلی دیر.
ادلیب-دکی توققوشمالارین ایکی آنا ایستیقامتده داوام ائتدیگینی گؤروروک. اوولنجیسی ایستراتژی اهمیته مالیک النیرب -سراقیب خطی. بو بؤلگهده M4 و M5 قورو یوللارینین بیرلشدیگی اهمیتلی یاشاییش منطقهلری یئرلشیب. بیر مودت اول رژیم قوهلری گوجلو شکیلده روسیانین هاوادان دستکی سایهسینده بو بؤلگهلره نظارتی اله کئچیرمهیه نایل اولموشدو. ایندی تورکیه سلاحلی قوهلرینین دستکی ایله موخالیفت عنصورلاری قارشی هوجوم باشلاتدی و النیرابی آزاد ائتدی. سونرا دا سراقیب بؤلگهسی ایستیقامتینده ایرهلیلمهیه باشلادیلار و سراقیبی ده موخالیفت گئری آلدی. رژیم و شیعه میلیس قوهلرینین آغیر ایتکیلرینین اولدوغونا دایر اهمیته مالیک معلوماتلار وار. بو دا تورکیه-نین محاربهنین مالیتینی آرتیرما ایستراتژیسینین اهمیتلی بیر تظاهرودور.
توققوشمالارین داوام ائتدیگی ایکینجی ایستیقامت ایسه Cebetül Zaviye-ی ده ترکیب حیسهسینده ساخلایان گونئی ادلیبدیر. رژیم قوهلرینین بو بؤلگهدن قوزیی ایستیقامتینده ایرهلیلهیهرک M4 قورو یولونا قدر چاتماق ایستدیکلری گؤرونور. تورکیه اردوسو موخالیفته دستک وئرمک آدیندان بو بؤلگهده ده یئرلشمهیه باشلاییب. رژیم قوهلری ایندیدک بیر نئچه کندین نظارتینی اله کئچیریب. رژیم قوهلری ایندیدک بیر نئچه کندین نظارتینی اله کئچیرمکله یاناشی بوندان ساوایی آددیم آتا بیلمهدیلر. ساحهده حربی معنادا یوخاریدا ایفاده ائدیلن حادثهلر باش وئردیکده، ماسا باشیندا کئچیریلن دانیشیقلاردا دا فعاللیق موشاهیده اولونور. تورکیه بیر طرفدن روسیا ایله موذاکیرهلری داوام ائتدیررکن، دیگر طرفدن ایسه اولوسلار آراسی توپلومون ادلیب موضوع سوندا حرکته کئچمهسی اوچون جهد گؤستریر. خصوصیله امریکا و آوروپالی موختلیف اؤلکهلرله یورودولن دیپلوماتیک ایله روسیا و ایرانا قارشی تضییق موحیطی یاراتماق ایستییر. ادلیب اساسیندا امریکا و آوروپا اؤلکهلریله تورکیه-نین ماراقلارینین اوست-اوسته دوشدوگو گؤرونور. آوروپالی اؤلکهلر قاچقین مسئلهسینده حساسلیق گؤستردیکده، امریکا ایسه سوریه ساحهسینده رژیم، ایران و روسیانین غلبه اعلان ائتمهسینی ایستمیر. آنجاق بورادا سوال ائدیلمهسی لازیم گلن امریکا آلدادیجی می یاخود دا حقیقی معنادامی تورکیه-یه دستک وئرهجک، یوخسا حقیقی شکیلده ادلیب مسئلهسینده نفوذونو ایشه داخیل ائدجک می؟ امریکا ادلیب کونتئکستینده ماراقلارینی قوروماق ایستییرسه، داها معنالی و کونکرئت آددیملار آتمالیدیر.