هفته‌نین آنالیزی :35
"کورد سیاستی"
آنکارا ییلدیریم بایزید اونیورسیته سینین سیاسی معلومات‌لار فاکولته‌سی‌نین دئکانی پروفسور دوکتور قودرت بولبولون "سوسیال شبکه؟ " آدلی آنالیتیک یازیسی.
باتی دا و تورکیه-ده معین دایره‌لر طرفیندن تاکیدله پ.کا.کا و یاخود دا پ.ک.ک.ک ایله آراسینا مسافه قویمایان ح.د.پ اوچون ایسرارلا "کورد حرکتی"، "کورد سیاستی" کیمی ایفاده‌لر ایشلدیلیر. بئله ایفاده‌لرله بیر ترور تشکیلاتی و اونونلا علاقه‌لی اولان بیر سیاسی پارتی بیر میللتین "حرکتی"، "سیاستی" ایمیش کیمی تقدیم ائدیلمیش اولور.
پ.کا.کا موختلیف اؤلکه‌لرده، تورکیه-ده، سوریه-ده، ایران و عراق-دا دییشیک آدلارلا توپ‌لو و داواملی اولاراق، موختلیف باتی اؤلکه‌لرینده ایسه فردی و زامان-زامان ترور آکت‌لاری حیاتا کئچیرمیش بیر ترور تشکیلاتی‌دیر. پ.کا.کا-نین بو اؤلکه‌لرده تؤرتدیگی ترور آکت‌لاریندا سیویل-حربی، قادین، اوشاق اون مین‌لرله اینسان اؤلدورولموش، میلیون‌لارلا اینسان یاشادیق‌لاری تورپاق‌لاری ترک ائتمک مجبوریتینده قالمیش و هله ده قالماقدا‌دیر. اورتا دوغو دیزاین ائتمک ایسته‌ین قوه‌لرین ماشاسی کیمی پ.کا.کا-نین اؤزونو کوردلرین تمثیلچی‌سی اولاراق گؤسترمه کیمی تحریف‌لری اؤزونون سیاستینه گؤره، باشا دوشوله بیلر. تورکیه، سوریه، عراق و ایرانی بؤله‌رک عصرلرله تورک‌لر و عرب‌لرله بیرلیکده ایسلامین بایراقداری اولموش کوردلری قوردوراجاغی ترور دؤولتیله ایسرایل-ین تهلوکه‌سیزلیگینه خیدمت گؤسترمه‌سینه ایمکان یاراتماق ایسته‌ین ایمپریالیست دایره‌لرین و اونلارا قوشولموش آکادئمیک‌لرین، یازیچی‌لارین یاناشما‌لاری دا باشا دوشوله بیلر. لاکین بو تحریفین نه راسیونال، نه علمی نه ده اجتماعی بیر قارشی‌لیغی اولا بیلر. بوتون آلمان‌لاری، عرب‌لری، تورک‌لری تک حرکت/سیاست اولاراق گؤرمک نه قدر راسیونال و علمی بیر یاناشما ایسه بوتون کوردلری ده ائله گؤرمک اوخشار بیر یاناشما کیمی‌دیر. داخیلینده میلیون‌لارین، فرقلیلیق‌لرین اولدوغو جمعیت‌لری تک پارچا کیمی گؤرمک توتالیتار بیر یاناشمانین ایفاده‌سی‌دیر. "کورد سیاستی" ایفاده‌سیندن حرکتله دئمه‌لی اولساق، ایلکین پلاندا بوتون کوردلر تورکیه‌دکی کوردلردن عبارت دئییل‌دیر. تورکیه ایله بیرلیکده ایران، عراق، سوریه و باتی اؤلکه‌لرینده اولان بیر جمعیت‌دن بحث ائدیریک. دؤولت‌لردن بحث ائدیله بیلر. لاکین بیر جمعیت اولاراق فرانسیز، ایتالیان، تورک سیاستیندن بحث ائدیله بیلرمی؟ تورک‌لرین سیاستی؟ ایفاده ائدیلن تورکیه‌دکی کوردلرین سیاستی ایسه، هر سیویل و دموکراتیک جمعیتده اولدوغو کیمی کوردلر ده تک پارچا دئییل، موختلیف‌دیر. ایلکین پلاندا بوتون کوردلر هر جمعیتده اولدوغو کیمی سیاستله ماراقلانمایا بیلر. سیاستله ماراق‌لانان‌لارین هامی‌سی سس ده وئرمیر. سس وئرن‌لرین هامی‌سی ح.د.پ-یه وئرمیر. آک پارتی ده کوردلردن ان آز ح.د.پ قدر سس آلیر. خداپار-ین (آزاد داوا پارتیسی) سس نیسبتی آز اولماسی ایله یاناشی، بعضی گؤستریجی‌لرده میلیون‌لارین دقتینی جلب ائتدیگینی گؤروروک.
بون‌دان حرکتله دئیه بیلریک کی، ح.د.پ-یه سس وئرن‌لرین هامی‌سی پ.کا.کا-نین ترور فعالیت‌لرینی تصدیقله‌میر.
قیساجا دئسک باشقا بیر جمعیت اوچون ایستیفاده ائدیله بیلمه‌یه‌جک بیر ایفاده‌نین، بیر طایفه یاخود دا قبیله کیمی پ.کا.کا و ح.د.پ-نین عینی لشدیریلمه‌مه‌سی، ح.د.پ-نین اینکیشاف ائتدیرجگی سیویل سیاسته یئر آچیلماسی طرفدارییام. لاکین ح.د.پ صلاحیت‌لی‌لری‌نین داواملی اولاراق داغ‌داکی ترورچولارا آرخا دوردوغو بیر شرطده بئله‌لری‌نین نه فیکیرلشدیگی‌نین بیر معناسی قالمیر. سیاست دئموکراتیانین، آزادلیغین، سیویل حیاتین دئییل، ترور تشکیلاتی‌نین و اونون توتالیتار تضییقی‌نین بیر واسطه‌سینه چئوریلدیگینده سیویل و دئموکراتیک ساحه‌ده ایره‌لیله‌یه بیله‌جک بیر یول بوراخیلمامیش اولور. بس، اورتادا ائله چوخ مورکب بیر وضعیت اولمادیغی حالدا، تورکیه-ده معین دایره‌لرین پ.کا.کا و ح.د.پ-نی "کورد سیاستی" کیمی گؤسترمک باره‌دکی ایسرارلی تحریف‌لری‌نین سبب‌لری نلر اولا بیلر؟ نه اوچون پ.کا.کا-نین و ایمپریالیزمین دیلینه تسلیم اولورلار؟ بو تحریف ائتمه سعی‌لری ساده‌جه تورکیه-ده دئییل، بؤلگه اؤلکه‌لرینده ده سؤز مؤوضوسو اولا بیلر.
پ.کا.کا قورخوسو: حیاتی دموکراتیک، آزاد و پلورالیست شکیلده یاشایان بیزیم کیمی اینسان‌لار، اکثریتده ترور تشکیلات‌لاری‌نین تضییق‌لرینی، یاراتدیق‌لاری فلاکت‌لی قورخولاری اونوتماق طرفداریییق. چونکی ترور تشکیلات‌لاری آنجاق ترور آکتی تؤرتدیک‌لری زامان گوندمیمیزده یئر آلیر و بیر مدت سونرا گوندمدن چیخیر. حالبوکی ترور تشکیلات‌لاری‌نین قورخو یایما، تضییق یاراتما، معین آدلاری بیرباشا هدفه آلا‌راق حده-قورخو گلمه کیمی مئتودلاری وار. موناسیبتیله بوتون کوردلری "کورد سیاستی" ایفاده‌سیله توتالیتاریزاسیا ائتمه سعی‌لری‌نین بیر حیسه‌سی پ.کا.کا-نین یاراتدیغی قورخو ایله ایفاده ائدیله بیلر. پ.کا.کا-نین علیهینه اولان و فرق‌لی ایفاده‌لر اورتایا قویان کورد ضیا‌لی‌لاری اورتا‌دان قالدیردیغی معلوم‌دور.
طرفداش تضییقی: "کورد سیاستی" ایفاده‌سیندن ایستیفاده ائدن‌لرین بیر حیسه‌سی تورکیه-ده کی سول فراکسیانین قاباقچیل منسوب‌لاری‌نین اهمیت‌لی حیسه‌سی‌نین ایسه کئچمیشی اعتباری ایله اینقیلابچی بیر عنعنه‌دن گلدیگی معلوم‌دور. "کورد سیاستی" ایفاده‌سیندن تاکیدله ایستیفاده ائدن بو دایره‌دکی‌لرین جهدی مارکسیست-لئنینیست عنعنه‌دن گلن پ.کا.کا ایله "اینقیلابچی دایانیشماسی" کیمی گؤروله بیلر. بو دایره‌لرین توتالیتار بیر نظره میل‌لی اولما‌لاری‌نین بیر سببی ایسه گلدیک‌لری اینقیلابچی عنعنه‌دن کیفایت سویه‌ده اؤزلرینی خلاص ائده بیلمه‌مه‌لری، دئموکراتیا، آزادلیق، پلورالیست کیمی مفهوم‌لاری کیفایت قدر عینی لشدیرمه‌مه‌لری ایله ایضاح ائدیله بیلر.
تورکیه علیهینه اولان اولوسلار آراسی دایره‌لره اینتقراسیا اولماق وضعیتی: "کورد سیاستی" ایفاده‌سیندن تاکیدله ایستیفاده ائدن‌لرین بیر حیسه‌سی‌نین ایسه تورکیه علیهینه اولان اولوسلار آراسی دایره‌لره اینتقراسیا اولدوق‌لارینی موشاهیده ائدیریک. علاقه‌دار دایره‌لر طرفیندن مادی دستک تامین ائدیلن بو کسیم‌لر، بو دستکی تامین ائدن‌لرله اوست-اوسته دوشن بیر یاناشما اورتایا قویورلار.
حکومت علیهدارلیغی: حکومت علیهدارلیغی‌نین بعضی ضیا‌لی‌لارین رفتارلارینی باشا دوشمکده آیدینلاشدیریجی اولدوغو سؤی‌لنه بیلر. حکومت و اردوغان علیهه دارلیغی آدیندان بعضی ضیا‌لی‌لار، هروین تیجارتیله مشغول اولان، معصوم اوشاق‌لاری قتله یئتیرن بیر ترور تشکیلاتینی دستکلمه‌یه قدر اوز توتا بیلیرلر.
ضیا‌لی یادلاشماسی: جمعیت علیهدارلیغی دا دئییله بیلر. ضیا‌لی یادلاشماسی باتی دان باشقا جمعیت‌لرین هر حالدا ایکی یوز ایللیک معاصیرلشمه تاریخی‌نین حزین حکایه‌سی‌دیر. بو حزن ایله حکاینی شاعر سئزای کاراکوچ "ماسال" (ناغیل) شعرینده چوخ گؤزل ایفاده ائدیر. عثمانلی دؤورونده علمینی، تئکنیکاسینی گؤتوره‌رک اؤلکه‌سینه تحفه وئرسین دئیه باتی یا تحصیل مقصدیله گؤندریلن‌لرین اکثریتی اؤز جمعیتینه یادلاشمیش، باتی عاشقی شخص‌لر کیمی اؤلکه‌یه قاییدیب‌لار. جمهوریت دؤورونده یاشانان ایسه اؤز مدنیتین‌دن، تاریخیندن و مدنیتین‌دن تامامیله قوپا‌راق، مدنیت معناسیندا باتییا تسلیم اولماق‌دیر.
قیساجا دئسک، سول میل‌لی بیر ترور تشکیلاتی اولان و اکثریتده تورک‌لردن عبارت DHKPC و مارگینال بیر سول پارتی اوچون "تورک سیاستی" دئمک نه قدر معنا‌لی ایسه، پ.کا.کا و ح.د.پ اوچون "کورد سیاستی" دئمک او قدر معنا‌لی‌دیر. پ.کا.کا قورخوسو، طرفداش تضییقی و س. سببی نه اولارسا اولسون پ.کا.کا و و یاخود دا ح.د.پ-نی "کورد سیاستی" اولاراق گؤرمک آزاد، شرف‌لی و باریش مقصدلی بیر حقارت‌دیر. ضیا‌لی اولما ادعاسینی گودن‌لرین اوزرینه ترورون و ایمپئریالیزمین ایفاده‌لرینه تسلیم اولماق دئییل، بونا قارشی بیر موضع و حقیقتی ایفاده ائتمیین حیثیتی دوشر.
ایلگیلی‌لی خبرلر
تۆرک جمهوریتلرینین گوند‌مینده‌کی گلیشمهلر
۱ ژوئن ۲۰۲۴ تاریخینده شوشادا تۆرک دؤولتلری تشکیلاتی تحصیلدن مسئول باخانلاری ۸.جی ییغینجاغی ائدیلدی
