هفته‌نین آنالیزی :33
قوربان: تقوایا، عنعنه و قضیلته یاخینلاشماق
آنکارا ییلدیریم بایزید اونیورسیته سینین سیاسی معلومات‌لار فاکولته‌سی‌نین دئکانی پروفسور دوکتور قودرت بولبولون " قوربان: تقوایا، عنعنه و قضیلته یاخینلاشماق " آدلی آنالیتیک یازیسی.
حیات اوزون بیر ماراتن، یوغون بیر هرج-مرج‌لیک‌دیر. داوام‌لی جهد گؤسترمک، بیر یئره چاتماق، بیر شئیی الده ائتمک و موختلیف ساحه‌لرده "غلبه" قازانماق قایغی‌سی‌دیر. حیاتدا بیر چوخ شئیی باجاراریق بلکه اما اورییمیزده بیر آغری هر زامان قالیر. اوغورلو اولما تضییقیله داوام‌لی قاچارکن، آرابیر دایانماق، لاقئید یاناشدیق‌لاریمیزلا ماراقلانماق ایستییریک.
هانسیمیز معاصر، پوست مدرن، پوست-حقیقت دئییلن احوالات‌لار آراسیندا ایتیردیک‌لریمیزی، گلجییمیزه-اوشاق‌لاریمیزا تحویل وئره بیلمه‌دیک‌لریمیزی، بیزی بیز ائدن دیرلریمیزی خاطیرلاماق، اورییمیزی اونلارلا یئنی‌دن دول‌دورماق ایستمز کی...
بایرام‌لار ائله بو واخت‌لاردیر. حیاتین هرج-مرج‌لیگی ایچینده دایانما، ثابیتلشمه، تمیزلنمه زامان‌لاری...
قوربان دؤرد مین ایللیک بیر عنعنه‌دیر. یئنه و بیر داها بیر قوربانی و قوربان بایرامینی قئید ائدیریک. کلاسیک قایناق‌لار هر اوچ سماوی دین طرفیندن یهودی‌لیک، خریستیان‌لیق و ایسلام طرفیندن پیغمبر قبول ائدیلن حضرت ابراهیم ین میلادان اول 2000-جی ایللرده یاشادیغینی روایت ائدیر. ابراهیم صداقتینی گؤسترمک اوچون اوغلو ایسماعیلی الله-ا قوربان وئرمک ایسته‌ییب. ابراهمین صادق‌لیگی گؤرولدوکده قوربان اوچون کسیلن ایلک قوچ‌دان بری‌دیر قوربان عنعنه‌سی تقریباً 4 مین ایلدیر داوام ائدیر.
قوربان الیندکینی بؤلوشمک‌دیر، اتفاق دیر. ائله بیر عنعنه‌دیر کی، قوربان بایرام‌لاریندا کسیلن قوربان‌لارین احتیاجی اولان‌لارا پایلانماسی قلوبال میقیاسدا توپ‌لو بیر مراسیم کیمی‌دیر. دیگر زامان‌لاردا دا بیر میننتدارلیق ایفاده‌سی اولاراق قوربان کسیلمه‌سی و یئنه احتیاجی اولان‌لارا پایلانماسی تشویق ائدیلیر.
معاصر اینسانین هئدونیست شکیلده شخصی لذت دالینجا گئتدیگی، اؤزگه‌لری اوچون ده یاشاماغی دوشونمه‌ین، نه قازانیب اونو بؤلوشمه‌ین ائله بیل کئچمیش زامان‌لارا آیدمیش کیمی باشا دوشولدوگو بیر دؤورده قوربان عصرلر اولین‌دن ائله بیل بیر چاغیریش‌دیر.
قوربان خاطیرلاماق‌دیر، قوهوم-اقربانی یادا سالماق‌دیر. قوربان ساده‌جه مادی بیر بؤلوشمه دئییل، بیر دویغو پایلاشماسی‌دیر عینی زاماندا. اونا حصر اولوندوغو اوچون قوربان بیر طرف‌دن اللهی خاطیرلاماق‌دیر، دیگر طرف‌دن ایسه قوهوم-اقربامیزی، آنا و آتامیزی، یاشایان یاخود یاشامایان آرامیزدان آیریلمیش سئودیک‌لریمیزی خاطیرلاماق‌دیر. معاصر حیاتین تلاشیندا خاطیرلامادیغیمیز عزیزلریمیزله واخت کئچیرمک‌دیر بایرام. حیاتین هرج-مرج‌لیگی ایچینده اولان‌لار بلکه بو خاطیرلانماغین قیمتینی کیفایت قدر باشا دوشه بیلر. یاخود دا ایل اوزونو خاطیرلانماغی، قاپی‌لاری‌نین دؤیولمه‌سینی گؤزله‌ین‌لر؟ بؤیودوب باشا گتیردیک‌لری‌نین گلیب اللرینی اؤپمه‌سینی آرزو ائدن‌لر؟ اونلار اوچون بایرامین قیمتینی نئجه باشا دوشمک اولار...
قوربان کیمسه‌سیزلرین یانیندا اولماق‌دیر. بؤلوشمک و بایرام داشیدیغی معنا ایله شوبهه یوخ‌دور کی، یاخین اطراف‌دان باش‌لار. لاکین قورتاردیغی یئرین سرحدی یوخ‌دور. چونکی کؤنلون سرحددی یوخ‌دور. یاش‌لی‌لاری، یتیم‌لری زیارتله باشلاییب، اوزاق اؤلکه‌لره قوربان آپارماغا، اورا‌داکی احتیاجی اولان‌لارین دردلریله ماراقلانماغا قدر گئدیب چیخیر.
قوربان بیر تمیزلنمه، تقوایا یاخین‌لاشماق‌دیر. قوربان کلمه اولاراق یاخینلاشما، میننتدارلیق دویغولاری‌نین ایفاده‌سی، هدیه، نزیر دئمک‌دیر. قوربان الله-ا یاخینلاشماق اوچون بیر فورصت‌دیر. بو، آیه‌ده نه گؤزل ایفاده ائدیلیب: "قوربان‌لارین نه ائت لری، نه ده قان‌لاری الله-ا چاتار. اونا سیزین تقوانیز چاتیر. بئله‌لیکله قوربان‌لیق‌لاری سیزین خیدمتینیزه وردیک کی، سیزه دوزگون یولو گؤستردیگینه گؤره الهی بؤیوک تانییاسینیز. یاخشی‌لیق ائدن‌لره مژده‌له".
حاضردا اینسانلیغین دوغودا و باتی دا ان اساس احتیاجی بون‌لار دئییل می؟ پرینسیبه، قیمته، فضیلته، پایلاشماغا، اردمه یاخین دایانماق، تولئرانت‌لیقلا، شعورلو شکیلده حرکت ائتمک. دوغو ایجما‌لاریندا یوخلوقلا قارشی-قارشییا اولان،باتی ایجما‌لاریندا ایسه وار-دؤولت ایچینده اؤزونو ایتیرمیش، بوشلوغا دوشموش، تک-تنها اینسان اوچون مادی و اموسیونال بؤلوشمه ایله قوربان چوخ شئی ایفاده ائدیر.
قوربان ایمتینا ائتمک‌دیر، ال چکمک، ترک ائتمک‌دیر. قوربان بوتون بون‌لاردان علاوه لازیم گلسه مولک و جان داخیل هر شئیی فدا ائتمک‌دیر. الله-ا یاخینلاشما ساده‌جه اونون شخصینه یاخینلاشما دئمک دئییل‌دیر. اونا آپاران هر شئیه یاخینلاشماق، اوندان اوزاق‌لاش‌دیران هر شئی‌دن ال چکمک و ترک ائتمک‌دیر. یعنی عدالت‌دن، یاخشی‌لیق‌دان، گؤزل‌لیک‌دن، بؤلوشمک‌دن، اؤزونو اونودوب اؤزگه‌لری‌نین قئیدینه قالماق‌دان، یاخشی‌لیق‌دان اوزاق‌لاش‌دیران هر شئی‌دن ایمتینا ائتمک، بوتون بون‌لاری ترک ائتمک‌دیر...
قوربان محاسبات، ویجدان و ایمکان‌دیر. هر شئیی مادی حیات، منفعت و ماراقلا ایضاح ائتمه‌ین، ایلاهی بیر سسه تسلیم اولما، ایلاهی بیر عدالت، ویجدان و ایمکان ایله حیاتا باخماق‌دیر.
و قوربان بیر تسلیم اولما دورومودور. اینسان اوچون اساس اولان قانونی، حلال و مقبول اولانی اوست-اوسته قویا‌راق حرکت ائتمه‌سی‌دیر. هر دوزگون اولان قانونی، هر قانونی اولان حلال، هر حلال اولان مقبول اولمایا بیلر چونکی. حقوقدا قانونی‌لیک، ایجتیمایتده قانونی‌لیک، ایسلامدا حلال اولما، کؤنولده-ویجداندا مقبول اولان آختاریلیر. حالبوکی گونده‌لیک حیاتدا عمومی لیکده بونون ضدی حرکت‌لر ائدیریک. عدالته، یاخشیلیغا، فضیلته، اردمه تسلیم اولماق عمومی لیکده زورونا گئدیر. نه قدر آغیر، نه قدر آجی و دؤزولمز اولارسا اولسون اینجینمه‌دن بوتون بون‌لارا تسلیم اولا بیلسک اینسان‌لیق عائله‌سی اولاراق حل ائده بیلمیجییمیز هانسی پروبلئمه‌میز قالا بیلر کی...
قوربان‌لیق‌لاریمیز دؤرد مین ایلدیر ایلاهی امره تسلیم اولارکن، بیز ده حاقا تسلیم اولا بیلسک...
شاعر عبدالرحیم کاراکوچ "اینجیتمی" شعرینده بوتون بو گؤزل‌لیک‌لر و عدالت قارشی‌سیندا بوینوموزون قیل‌دان نازیک اولماسینی نه گؤزل ایفاده ائدیب:
"یول‌لار اوزون، یول‌لار اینجه
یول‌لار قیسالیر عشق گلینجه
یات قوربان اول ایسماعل جه
بیچاق سندن اینجینمه‌سین"
هر زامان پرینسیبه، دیره، تقوایا قوربان اولماغینیز، (یاخین دایانماغینیز، یاخینلاشماغینیز) حقیقته تسلیم اولماغینیز و هر زامان یاخشی‌لیق دویغوسو ایله یاشاماغینیز دیلیی و دعاسی ایله قوربان بایرامینیز موبا‌رک دئییریک. دردلر بؤلوشولدوگو زامان آزالیر، خوشبخت‌لیک‌لر بؤلوشولدوکجه چوخالیر. اینسان‌لیق عائله‌سی کیمی کدرلرین آزالدیغی، دینجلیگین آرتدیغی، کؤنول‌لرین ساغالدیغی بیر بایرام دیلییریک.
ایلگیلی‌لی خبرلر
تۆرک جمهوریتلرینین گوند‌مینده‌کی گلیشمهلر
۱ ژوئن ۲۰۲۴ تاریخینده شوشادا تۆرک دؤولتلری تشکیلاتی تحصیلدن مسئول باخانلاری ۸.جی ییغینجاغی ائدیلدی
