هفته‌نین آنالیزی :23
"معاصر رمضان لار و رمضان"
بیر چین آتا‌لار سؤزونده بئله بیر قارغیش وار: "ماراق‌لی زامان‌لاردا یاشایاسان". چین‌لی‌لرین دقیق اولاراق نئیه ایشاره ائتدیگینی بیلمیریک، اما هر شئیه صاحب اولدوغو بیر زاماندا، معاصر اینسانین قارشی-قارشییا اولدوغو یانلیزلیق و دیرسیزلیک بحرانی اورتادا ایکن، ماراق‌لی زامان‌لار بئله بیر شئی‌دیر هر حالدا...
آجینا‌جاق‌لی معاصی ر اینسان...
حقیقتن ده معاصیر دؤورلرین یالنیز اینسانی دیگر جان‌لی نوع لریندن داها آجینا‌جاق‌لی وضعیتده‌دیر. معاصر اینسان طبیعته، عنعنه‌یه، دینی دیرلره، هر نوع محدودیت‌لره عصیان ائده‌رک، ساده‌جه آغلی‌نین آوتوریتئتینه عمل ائده‌رک عینیله ایلاهی‌لیگینی اعلان ائتمیش دورومدا‌دیر. و هوش مصنوعی و بونا اوخشار جهدلرله اؤلمزلیک آختاریشینی داوام ائتدیریر. تأسف کی، یارادیلیشی ایلاهی دئییل، فانی‌دیر، اؤلوم‌لودور.
تاریخین باشقا بیر دؤورونده معاصیر اینسانین بو قدر سرحدسیز آرزولاری سببیندن وارلیق ایچینده یوخ‌لوغو، کوتله‌لر ایچینده یالنیزلیغی، ایستنیلن ایمکان‌لار داخیلینده چاره‌سیزلیگی عینی آندا یاشایان باشقا بیر دؤور هر حالدا یوخ‌دور.
معاصیر اینسان... مصرف توپلومونون کؤله‌سی...طبیعتی، اشیایی، پرینسیپ‌لری، دیرلری، عنعنه‌لری بیر دفعه ایستیفاده ائده‌جک حالا گتیریب محو ائدن بیر وارلیق...
معاصیر اینسانی هر شئیی مصرف ائدن ائقویزم‌دان خلاص ائده‌جک، بیر آن دایانیب، اوستاد نجیب فازیلین ایفاده‌سیله "دایانین کوتله‌لر بو کوچه‌دن چیخیلماز/ هایقیرسام قول‌لاریمی قایچی کیمی آچا‌راق" سؤیله‌ده‌جک و اؤزونه قایتارا‌جاق بیر دؤور اولا بیلمزمی؟ اؤزونو گؤزدن کئچیرمه ایمکانی یارادا‌جاق بیر عنعنه، بیر دؤور اولابیلرمی؟ عجبا دین‌لر، ایدئولوژی لر، دوشونجه طرزلری آراسیندا بئله بیر عنعنه واردیرمی دئیه سوال وئریلسه، رمضان آیی دوز ده بئله بیر سوالین جاوابی‌دیر.
اوروجون معناسی
معاصیر اینسانی بو بحرانیندان، اقویزمین‌دن و یالنیزلیقدان خلاص ائده‌جک شئی ساده‌جه اؤزو اوچون یاشاماماسی‌دیر. هر شئیی اؤز ایستک‌لری‌نین واسیطه‌سی ائتمه‌مه‌سی‌دیر. رمضان بوتون ائتدیک‌لری و ائتمه‌دیک‌لریله اینسانا اؤزونو موحاکیمه ائتدیره‌جک بیر آیدیر.
بوتون اینسانلیغین ان اساس اوچ پروبلئمی هر حالدا عدالت‌سیزلیک، پایلاشما اولماماسی و آیری‌لیق‌لارلا بیر آرادا یاشایا بیلمه‌مک‌دیر. رمضان آیی بوتون بو نقصان‌لاری بیر باشینا اؤده‌یه بیله‌جک بیر آیدیر.
اوروج توتماق بلکه ده ان آز معین ساعت‌لار آراسیندا بیر شئی یئییب ایچمه‌مک‌دیر. بوندان علاوه بدنی بوتون نعمت لردن محروم بوراخارکن، هر نوع نعمتین فرقینده اولماق‌دیر.
اوروج اینسانی مصرف کؤللیگین‌دن خلاص ائدیب اونو آزادلاشدیرماغین اؤزگه آدی‌دیر.
رمضان دا اوروج توتان ساده‌جه معده دئییل‌دیر. دیل‌دیر، ذهن دیر، موضع لریمیزدیر. اوروج ایلکین پلاندا اوریین تمیزلیگی‌دیر. داوام‌لی اؤزگه‌سی‌نین صاحب اولدوغون‌دان داها آرتیغینا صاحب اولماغا جهد گؤسترن اینسانین کؤنول دئتوکسودور. هئچ ندن قانع اولمایان‌لارین پادزهری‌دیر.
بؤلوشمک و حضور آیی...
رمضان دیل‌لر، عیرق لر، رنگ‌لر، ایدئولوژی‌لر، دین‌لرین اوزرینده بیر بؤلوشمه، بیرلیک و برابرلیک آیی‌دیر. ایسلامین قلوبال‌لیغینی‌نین بلکه ده ان استتیک عکس-صداسی‌دیر. مسلمان توپلوملاردا عنعنوی ایفطار پروقرام‌لاریندا، قورولان ایفطار دعوت لرینده اینسانا نه اولدوغو سوال ائدیلمز. یونوس امره‌نین ایفاده ائتدیگی کیمی "یارادیلان خوش گؤرولر، یارادیلان‌دان اؤترو".
ایفطارلارین قلوبال مئساژی و بیرلشدیرمه خصوصیتی مسلمان اولمایان ایجما‌لاردا دا اؤزونو حیس ائتدیریر. بورا‌لاردا مسلمان ایجما‌لار قونشولاری ایله، مسلمان اولمایان‌لارلا ایفطارلارینی بؤلوشورلر. بو قلوبال مئساژا بعضی دؤولتلر ده عمل ائدیرلر. هر ایل آغ ائوده و بعضی باتی لی دؤولت مکان‌لاریندا ایفطار پروقرام‌لاری تشکیل ائدیلیر.
رمضان آیریجا تورکیه-ده کی غیری -حکومت تشکیلات‌لاری‌نین اؤلکه داخیلینده و خاریجینده ان چوخ یاردیم ائتدیک‌لری، بوتون دونیا‌دان یئتیم‌لری، کیمسه‌سیزلری، احتیاجی اولان‌لاری ان چوخ سئویندیردیک‌لری زمضان لاردان بیری‌دیر. ایستاتیستیکا‌لار ان آز جینایتین اولدوغو زامانین رمضان آییندا اولدوغونو گؤستریر.
خاطیرلاما، اینسان‌لارین بیر-بیرینه یاخینلاشماسی، باریشما آیی
رمضان آیی تورکیه‌ده اطراف‌لی شکیلده یاشانیر. ایفطار پروقرام‌لاری، اوباش‌دان سفره لری، تراویه نامازلاری، قدیر گئجه‌سی و بو گئجه‌یه خاص تدبیرلر، قبول‌لار، شن‌لیک‌لر، اوباش‌دان طبل چالان لاری، مانی‌لر...بو تدبیرلر بوتون جمعیتی قوجاقلایان تدبیرلردیر. هر رمضان دا دییشیک تدبیرلر کئچیریلیر. رمضان دا هر کس بیر-بیرینی خاطیرلاییر، یاخینلاشیر، باریشیر. بو چرچیوه‌ده بایرام‌دان اول، عرفه گونو قبیریستانلیغا گئدیلیر، وفات ائدن‌لر ده خاطیرلانیر. شاعر سزای کاراکوچون ایفاده‌سیله "مزارلاردان اوجالان بیر باهار"ی یاشا‌دیر بیزه. بو زیارت‌لر دونیا حیاتی‌نین موقتی اولدوغونو خاطیرلا‌دیر و کاینات‌داکی اونتولوژیک موضعیمیزی ده اؤز یئرینه اوتوزدورور. واز کئچه بیلمه دیگیمیز هر شئیین، جدی پروبلئم‌لرین موقتی اولدوغونو خاطیرلاییریق، بیر داها اؤزوموزه گلیریک. رمضان دا آیریجا کوس اولان‌لار باریشیرلار. دوست‌لار، اقرابا‌لار، قونشولار، یولداش‌لار بو آی بیر-بیرینی زیارت ائدیر. بایرام تبریک‌لری، زیارت‌لری، معاصیر اینسانین یالنیزلیغینی دوستلوغا، صحبته اولان حسرتینه سون قویور. خوش بختیک کی، تورکیه‌ده بیر ایستاتیستیکایا گؤره، اینسان‌لار بایرام‌لاردا 84 فایز نیسبتینده یاخین‌لارینی زیارت ائدیرلر.
پروفسور دوکتور قودرت بولبول سؤزلرینی بیر تکلیف ایره‌لی سوره‌رک باشا چاتیریر:
"رمضان آیی معاصیر اینسانی زنجیرلرین‌دن خلاص ائدن، اونو آزادلاش‌دیران، اطرافینا، ایجتیمایته، دیگر جان‌لی‌لارا، طبیعته قارشی داها حساس حالا گتیرن برکتی، دینج‌لییه و دونیا باریشینا وئردیگی تحفه ایله یونسکو-نون غیری-مادی ارث سیاهی‌سینا سالینماسی واجیب اولان بیر آیدیر. یا دا دونیا باریشینا تحفه موکافات‌لاری، شخص یاخود قوروم‌لاردان باشقا بیرینه وئریله‌جکسه بونا ان اویغون نامیزد رامازان آیی‌دیر".
رمضانینیز، بایرامینیز موبارک اولسون...
ایلگیلی‌لی خبرلر
تۆرک جمهوریتلرینین گوند‌مینده‌کی گلیشمهلر
۱ ژوئن ۲۰۲۴ تاریخینده شوشادا تۆرک دؤولتلری تشکیلاتی تحصیلدن مسئول باخانلاری ۸.جی ییغینجاغی ائدیلدی
