پنتاگون: یونان گمی‌سی نفت سیزدیرابیلر
آمریکا ساوونما ناظیرلیگی (پنتاگون) قیرمیزی دنیزده یمن‌ده ایرانین دستکلدیگی حوثییلرین هدف آلدیغی "م و سوونیون" آدلی یونان گمی‌سینین "نفت سیزماسی" اولابیله‌جگینی آچیقلاییب.
آمریکا ساوونما ناظیرلیگی (پنتاگون) قیرمیزی دنیزده یمن‌ده ایرانین دستکلدیگی حوثییلرین هدف آلدیغی "م و سونیون" آدلی یونان گمی‌سینین "نفت سیزماسی" اولابیله‌جگینی آچیقلاییب.
پنتاگونون وئردیگی یازی‌لی آچیقلامایا گؤره، مطبوعات کاتیبی ژنرال پات رایدر کئچیردیگی مطبوعات کونفرانسین‌دا حوثیلرین هدف آلدیغی گمی ایله باغلی آچیقلاما وئریب.
رایدر گمینین قیرمیزی دنیزده یاندیغینی و "نفت سیزدیغی" گؤروندویونو بیلدیریب.
بو وضعیتین پوتانسیل "اکولوژی فلاکت" یاراتدیغینی دئین پنتاگونون سؤزچوسو رایدر حوثیلرین حرکتلرینین گلوبال و بؤلگه سل تیجارتی ثابیتسیزلشدیردیگینی و دنیزچیلرین حیاتینی ریسکه آتدیغینی قئید ائدیب.
حوثیلر آوقوستون 21-ده مو سوونیون آدلی یونان گمی‌سینی "ایسرائیل لیمانلارینا گیریش قاداغاسینی پوزدوقلاری" سببیله هدفه آلدیقلارینی آچیقلامیش‌دی.
اینگیلتره‌نین صنعاداکی سفیری عبده شریف خدمه‌لر خیلاص ائدیلن، لاکین جدی زده آلان گمینین قیرمیزی دنیزده قاپالی قالدیغینی آچیقلاییب.
شریف گمینین 150 مین تون نفت داشیدیغینی بیلدیریب.
