استولتنبرگ: اوکراینایا داها چوخ دستک یولدا
ینس استولتنبرگ، اوکراینا دؤولت باشقانی ولودیمیر زلنسکی ایله باشکند کیئوده تشکیل ائتدیگی اورتاق مطبوعات کونفرانسیندا، عسگری کؤمکلرین گئجیکمه‌سینین ساواش ساحه‌سینده "جدی نتیجه‌لر دوغوردوغونا" ایشاره ائتدی
ناتو باش کاتیبی ینس استولتنبرگ، سلاح تحویلی ایشلرینین سرعتله‌نمه‌سینین اؤنمینی وورغولایاراق، اوکراینایا داها چوخ دستگین یولدا اولدوغونو سؤیله‌دی.
ینس استولتنبرگ، اوکراینا دؤولت باشقانی ولودیمیر زلنسکی ایله باشکند کیئوده تشکیل ائتدیگی اورتاق مطبوعات کونفرانسیندا، عسگری کؤمکلرین گئجیکمه‌سینین ساواش ساحه‌سینده "جدی نتیجه‌لر دوغوردوغونا" ایشاره ائتدی.
باش کاتیب، "آمریکا بیرلشمیش دؤولتلری آیلارلا بیر پاکت اوزرینده آنلاشمایا چاتابیلمه‌دی. آوروپالی متفیقلر ده سؤز وئردیگیمیز اؤلچوده مهمات تامین ائده‌بیلمه‌دی" دگرلندیرمه‌سینی وئردی.
گئچ چاتان هر عسگری یاردیمین روسیانین جبهه خطینده ایر‌لیله‌مه‌سی معناسینی وئردیگینی ایفاده ائد‌ن استولتنبرگ، "آنجاق اوکراینانین غالیب گلمه‌سی اوچون هله چوخ گئج دئییل. داها چوخ دستک یولدا" دئدی.
استولتنبرگ، سلاح تحویلی ایشلرینین سرعتله‌نمه‌سینین اؤنمینی وورغولایاراق "تداروکو گئجیکدیردیگیمیزده بونون اؤلوم قالیم مسئله‌سی اولدوغونون فرقینه وارمالیییق" دئیه دانیشدی.
متفیق اؤلکه‌لرین اوکراینایا عسگری دستگی آرتیرماغی قبول ائتدیگینی بیلدیرن ینس استولتنبرگ، آمریکانین ۶۰ میلیارد دلارین اوزرینده‌کی کؤمک پاکتینین یانیندا اینگیلتره، آلمانیا و هلندین یئنی تعهدلارینی ده سئوینجله قارشیلادیغینی و دیگر متفیق اؤلکه‌لردن ده "یاخیندا یئنی آچیقلامالار گلمه‌سینی گؤزله‌دیگینی" سؤزلرینه علاوه ائتدی.
استولتنبرگ، "اوکراینانین یئرینین ناتو اولدوغونو" دیله گتیره‌رک، "بو آن ایجرا ائتدیگیمیز ایشلر سیزی ناتو عضولوگونه دوغرو دؤنوشو اولمایان بیر یولا آپاریر، بئله‌جه زامانی گلدیگینده اوکراینا ناتو عضوو اولابیله‌جک" دئدی.
ایلگیلی‌لی خبرلر
کنیسه‌نی یاندیرماغا چالیشان شخص اؤلدورولدو
فرانسادا پلیس، بیر کنیسه‌نی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقین‌لاردا 290-دان چوخ اینسان اؤلوب
کنیا-دا داشقین‌لاردا اؤلن‌لرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.
